SIĞORTA

“PAŞA Həyat” 2017-ci ilin nəticələrini açıqladı
19 MART
376

“PAŞA Həyat” 2017-ci ilin nəticələrini açıqladı

2018-03-19 13:38:00

Ölkənin ən iri həyat sığorta şirkəti olan “PAŞA Həyat” ASC 2017-ci ilin audit olunmuş, MHBS-ya uyğun hazırlanmış maliyyə hesabatlarını ictimaiyyətə açıqlayıb.

Şirkətin Baş Maliyyə İnzibatçısı Dilarə Babayevanın sözlərinə görə, “PAŞA Həyat” –ın hesabat ilindəki xalis mənfəəti 17.33 mln. AZN (2016-cı ilin nəticələri ilə müqayisədə 36,5% artım) təşkil etmişdir.

O cümlədən, 31 dekabr 2017-ci il tarixə olan hesabatına əsasən məcmu aktivlərin həcmi 218.23 mln AZN təşkil etmişdir. Bu göstəriciyə görə hazırda Azərbaycanın ən iri sığorta şirkəti statusuna yiyələnən “PAŞA Həyat” aktivlərinin həcmini son 1 il ərzində 40%-dən çox artırmışdır.

Hesabata əsasən 2017-ci ilin sonuna şirkətin məcmu kapitalı 58.19 mln. AZN (+7,5%), məcmu öhdəlikləri 160.04 mln. AZN (+58%) təşkil etmişdir.

Ötən il ərzində şirkət 151.12 mln. AZN xalis sığorta premiyası toplamaqla bu göstəricini 2016-cı illə müqayisədə 2 dəfə üstələmişdir. Eyni zamanda, bu dövr ərzində “PAŞA Həyat” ASC tərəfindən müştərilərə 58 mln. AZN sığorta ödənişi edilməklə daha bir tarixi rekorda imza atılmışdır.

Şirkətin 2017-ci ilin nəticələrinə dair Maliyyə hesabatının tam versiyası ilə www.pasha-life.az saytında tanış ola bilərsiniz.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9960
  • ₽ RUB
    0.0258