SIĞORTA

İbrahim Alışov Palatada iclas keçirdi
08 DEKABR 2017
2299

İbrahim Alışov Palatada iclas keçirdi

2017-12-08 16:41:00

Maliyyə Bazarlarına Nəzarət Palatasında (Palata) “Azərbaycan Respublikasında maliyyə xidmətlərinin inkişafına dair Strateji Yol Xəritəsi”nin Tədbirlər Planında Palatanın əsas icraçısı olduğu, eləcə də digər icraçısı olduğu strateji yol xəritələri üzrə tədbirlərin icra vəziyyətinin müzakirəsinə dair növbəti iclas keçirildi. Bu barədə fins.az Palatadan bildirilib. məlumata görə, Palatanın Baş icraçı direktoru İbrahim Alışovun sədrliyi ilə keçirilən iclasda qeyd edilən strateji yolxəritəsinin icrası məqsədilə yaradılan əməliyyat planına uyğun cari ilin noyabr ayı ərzində həyata keçirilmiş tədbirlərin müzakirəsi aparıldı və növbəti ay üçün keçirilməsi nəzərdə tutulan tədbirlər planı açıqlandı.

Tədbirlər planının icrasının koordinasiya işlərinin daha effektiv aparılması məqsədi ilə 16 prioritet üzrə yaradılmış işçi qruplarının rəhbərləri tərəfindən görülən işlər və keçirilən görüşlər barədə hesabat məruzələri dinlənildi, icra mərhələsində olan tədbirlərin qiymətləndirilməsi və gözlənilən nəticələr ətrafında fikir mübadiləsi aparıldı. İkinci yarımillikdən etibarən hər ay keçirilən strateji yol xəritəsinin icrası ilə bağlı iclasda bu dəfə də növbəti ay üçün nəzərdə tutulan tədbirlərin vaxtında icrasına dair aidiyyəti struktur bölmələrə müvafiq təklif və tövsiyələr verildi.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9267
  • ₽ RUB
    0.0258