SIĞORTA

​"Qala Sığorta"nın Direktorlar Şurasının yeni tərkibi açıqlanıb
04 İYUL
696

​"Qala Sığorta"nın Direktorlar Şurasının yeni tərkibi açıqlanıb

2016-07-04 14:57:00

"Qala Sığorta" ASC-nin Direktorlar Şurasının (DŞ) yeni tərkibi açıqlanıb. Fins.az-ın "Report"a istinadən məlumatına görə, bu barədə Şirkətin İdarə Heyətinin sədri Viladi Maniyev məlumat verib.

Onun sözlərinə görə, "Qala Sığort"nın yeni səhmdarı 100% "AzRe Təkrarsığorta" olduğu üçün DŞ-nın yeni tərkibinə də bu şirkətin rəhbər şəxsləri daxil edilib. Belə ki, "AzRe Təkrarsığorta"nın İdarə Heyətinin (İH) sədri Fuad Quliyev və sədr müavini Vüsal Abbasov müvafiq olaraq DŞ-nın sədri və sədr müavini təyin olunub. Onlar bu vəzifədə xarici vətəndaşlar - Maykl Yensen və Asif İqbalı əvəz ediblər.

DŞ-nın müstəqil üzvü Nərgiz Nəsrullayeva - Müdüroğlu isə vəzifəsində saxlanılıb. Xatırladaq ki, o, 1 il bundan əvvəl ABŞ-dakı təhsili ilə əlaqədar şirkətdəki işini dondurmuşdu.

"Qala Sığorta"nın İH-də, Təftiş komissiyasında və Daxili Audit Xidmətində isə hələ ki, dəyişiklik yoxdur. Bununla belə, Şirkətin yeni səhmdarının işçi heyətində dəyişikliklər edəcəyi istisna deyil.

Xatırladaq ki, "Qala Sığorta" şirkəti "Çartis-Azərbaycan" sığorta şirkətinin bazasında yaradılıb. Onun nizamnamə kapitalı 6786500 manatdır. "AzRe Təkrarsığorta"dan əvvəl Şirkətin səhmləri “American International Group"a məxsus olub. 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272