ƏRZAQ SƏBƏTİ

Balıqların kütləvi məhvinin qarşısı alındı (FOTO)
09 OKTYABR
979

Balıqların kütləvi məhvinin qarşısı alındı (FOTO)

2018-10-09 12:58:00

Balıqların kütləvi şəkildə məhv edilməsi ilə məşğul olan şəxslər saxlanılıb.

Fins.az xəbər verir ki, Daxili İşlər Nazirliyinin Nəqliyyatda Baş Polis İdarəsi Su Nəqliyyatında Polis İdarəsindənverilən məlumatına görə, cari il oktyabrın 4-5-də keçirilən reydlər zamanı Şəmkir və Mingəçevir ərazisində  qanunsuz ov edən və elektrik avadanlığından istifadə olunmaqla, balıqların kütləvi şəkildə məhv edilməsi ilə məşğul olan şəxslər tutulub.

Nurəddin Səfərov, Mübariz Mayılov və Süleyman Mayılov qanunsuz əməllərinə rəsmi orqanlardan guya müvafiq icazə aldıqları bəhanəsi ilə haqq qazandırmaq istəsələr də, araşdırma zamanı onların yalan söylədikləri məlum olub.

Araşdırmalar zamanı o da müəyyən edilib ki, onların heç birinin balıqovlama biletləri (lisenziyaları) belə olmayıb. Saxlanılarkən N.Səfərov, M.Mayılov və S.Mayılovdan ümumilikdə 10,5 kiloqramdan çox balıq, iki qayıq, digər ov ləvazimatları, ikinci şəxsdən əlavə olaraq balıqların elektrik cərəyanı buraxılmaqla məhv edilməsi üçün nəzərdə tutmuş, kustar üsulla hazırlanmış aparat da götürülüb.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9340
  • ₽ RUB
    0.0258