ƏRZAQ SƏBƏTİ

Qida israfçılığına görə cərimə tətbiq edilə bilər
02 AVQUST
289

Qida israfçılığına görə cərimə tətbiq edilə bilər

2018-08-02 16:30:00

Səudiyyə Ərəbistanının Məşvərət Şurası qida israfçılığına görə cərimə nəzərdə tutan qanun layihəsinə baxır.

Fins.az-in məlumatına görə, əsas narahatlıq Krallığın artıq neçə ildir ki qida tullantılarının adambaşına düşən həcminə görə lider ölkə olması ilə bağlıdır.

Səudiyyə Ərəbistanının Ətraf Mühit, Su və Kənd Təsərrüfatı Nazirliyinin məlumatına əsasən, orta statistik səudiyyəli hər il 250 kq ərzaq məhsulu atır. Halbuki dünya üzrə bu göstərici 115 kq-dır.

Qida məhsullarına belə münasibət dövlət büdcəsinə ildə 13 milyard dollara (istehsal olunan ərzaq məhsullarının 40 faizi) başa gəlir.

Qanun layihəsinin müəllifləri təklif edirlər ki, restoran müştəriləri yeyilməyən qidaya görə (çəkisi 1 kq-ı keçdiyi təqdirdə) hesabın 5-20 faizi həcmində əlavə ödəniş etməlidirlər. Əgər müştərilər yeməyi özləri ilə apararlarsa, cərimədən azaddırlar. Ümumilikdə bu, Krallıqda toy və iftar mərasimlərinin, restoran və hotellərdə "İsveç stolları"nın təşkilatçılarına aiddir.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9474
  • ₽ RUB
    0.0260