ƏRZAQ SƏBƏTİ

Qida məhsullarının idxal-ixrac qaydaları DƏYİŞİR
07 İYUN
1811

Qida məhsullarının idxal-ixrac qaydaları DƏYİŞİR

2018-06-07 15:11:00

İyunun 7-də Bakı Baş Gömrük İdarəsində Dövlət Gömrük Komitəsinin (DGK) sədri, gömrük xidməti general-leytenantı Səfər Mehdiyev ilə Qida Təhlükəsizliyi Agentliyinin (QTA) sədri Qoşqar Təhməzli arasında görüş keçirilib.

QTA-nın Kommunikasiya və informasiya texnologiyaları şöbəsindən verilən məlumata görə, görüşdə iyulun 1-dən qida məhsullarının idxal-ixrac əməliyyatlarına tətbiq ediləcək yeni qaydalar, həmin qaydaların icra mexanizmləri müzakirə olunub.

Hər iki qurumun rəhbəri Bakı Baş Gömrük İdarəsinin zalında qida məhsullarının gömrük rəsmiləşdirilməsi prosesini əyani şəkildə izləyib, sahibkarlarla görüşərək onları maraqlandıran məsələlər barədə fikir mübadiləsi aparılıb, yeni qaydaların əhəmiyyəti, idxal-ixrac proseslərinin sadələşdirilməsi ilə bağlı məlumatlandırıblar.

S.Mehdiyev və Q.Təhməzli Bakı Baş Gömrük İdarəsinin inzibati binasında Qida Təhlükəsizliyi Agentliyinin əməkdaşları üçün yaradılan iş şəraiti ilə tanış olublar.

Görüşün sonunda birgə əməkdaşlıq çərçivəsində nəzərdə tutulan tədbirlər barədə fikir mübadiləsi aparılıb, müvafiq struktur bölmələrin rəhbərlərinə tapşırıqlar verilib.

Eləcə də bax: Azərbaycan xaricə nə qədər pomidor satıb?

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9745
  • ₽ RUB
    0.0267