ƏRZAQ SƏBƏTİ

Azərbaycanlılar qədim dövrlərdə belə “yeyib-içiblər”
06 MART
181

Azərbaycanlılar qədim dövrlərdə belə “yeyib-içiblər”

2018-03-06 15:42:00
Martın 6-da Xaçmaz Tarix-Diyarşünaslıq Muzeyində Azərbaycanın qədim süfrə mədəniyyətini özündə əks etdirən sərgi açılıb.
Xaçmaz Regional Mədəniyyət və Turizm İdarəsinin təşəbbüsü ilə təşkil olunan sərgidə süfrə mədəniyyətimizi əks etdirən 300-dək məişət əşyaları təqdim olunur.
Novruz bayramı ərəfəsində açılan sərgi mətbəximizi, süfrə mədəniyyətimizi, bölgənin zəngin etnoqrafiyasını gənc nəslə nümayiş etdirmək, milli dəyərlərimizi təbliğ etmək məqsədi daşıyır.
Sərginin açılışında Xaçmaz Regional Mədəniyyət və Turizm İdarəsinin rəisi Nazim Ağayev, Xaçmaz Tarix-Diyarşünaslıq Muzeyinin direktoru Pakizə Mehdiyeva və başqaları çıxış edərək sərginin əhəmiyyətindən, son illər ölkəmizdə mədəni sahədə əldə olunan uğurlardan danışıblar. Bildirilib ki, bu kimi mədəni tədbirlərin təşkili turizmin inkişafında mühüm əhəmiyyətə malikdir.
Sonra milli rəqslər və süfrə mədəniyyətinin təsvir olunduğu bədii səhnəciklər təqdim edilib.
İştirakçılar qədim dövrlərdən günümüzədək gəlib çatan məişət əşyaları ilə yaxından tanış olublar.

Eləcə də bax: Bu marketdə mal əti ucuzlaşdı

© Azərtac
© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0067
  • ₽ RUB
    0.0272