ƏRZAQ SƏBƏTİ

Azərbaycanda ət istehsalının çox da artmayacağı gözlənilir
02 NOYABR
189

Azərbaycanda ət istehsalının çox da artmayacağı gözlənilir

2017-11-02 17:51:00

Azərbaycan hökuməti ortamüddətli perspektivdə ət və quşçuluq məhsullarının istehsalında artım proqnozlaşdırır. Bu barədə hökumətdən məlumat verilib.

Proqnozlara əsasən, 2017-ci ildə ölkədə ət istehsalı 309,7 min ton təşkil edəcək, bu da 2016-cı ilin göstəricisindən 7,5 min ton çoxdur.

İstehsalın ümumi həcmindən 133 min ton mal əti (artım 2 min ton), 77 min ton qoyun əti (artım 1,8 min ton), 99,2 min ton quş ətinin (artım 4,3 min ton) payına düşüb.

2018-2021-ci illərdə ət istehsalında artım tendensiyası qorunacaq. 

Xüsusilə, 2018-ci ildə ət istehsalı 314,5 min ton, 2019-cu ildə 320,3 min ton, 2020-ci ilodə 327 min ton, 2021-ci ildə 334,5 min ton həcmində proqnozlaşdırılır. Beləliklə, 2022-ci ilə qədər 2017-ci illə müqayisədə artım 8% təşkil edəcək. 

Bununla belə, həmin dövrdə quş əti istehsalında ən böyük artım gözklənilir. Belə ki, 2022-ci ilə qədər respublikada quş əti istehsalı 110 min tona, mal əti istehsalı 143 min tona, qoyun əti istehsalı 81 min tona çatıb.

Hökumətin proqnozlarına əsasən, 2017-ci ilin yekunları üzrə respublikada iribuynuzlu mal-qaranın ümumi miqdarı 2,69 mln. baş təşkil edəcək, 2021-ci ildə 2,65 mln. başa qədər azalacaq. O cümlədən, xırda buynuzlu mal-qara arasında ümumi miqdarın azalması müşahidə olunacaq. 2021-ci ildə xırda buynuzlu mal-qaranın ümumi miqdarı 8,47 mln. baş təşkil edəcək, bu da 2017-ci ilin sonuna olan göstəricidən 120 min baş azdır. 

© “İnterfaks-Azərbaycan” 

© Materiallardan istifadə edərkən hiperlinklə istinad olunmalıdır
+9°C
  • $ USD
    1.7001
  • € EUR
    2.0152
  • ₽ RUB
    0.0291