ƏRZAQ SƏBƏTİ

Bəzi məhsulların nağd satışına görə - CƏRİMƏLƏR ARTDI
16 DEKABR 2016
832

Bəzi məhsulların nağd satışına görə - CƏRİMƏLƏR ARTDI

2016-12-16 14:13:00

Azərbaycanda aksiz markası ilə markalanmalı olan məhsulların nağd qaydada satılması ilə bağlı cəzalar sərtləşdirilib.

Bununa bağlı Milli Məclisin bu gün keçirilən plenar iclasında Cinayət və İnzibati Xətalar Məcəlləsinə dəyişiklik edilib. 

Cinayət Məcəlləsindəki dəyişikliyə əsasən, pərakəndə satış istisna olmaqla aksiz markası ilə markalanmalı olan məhsulları (mallar) nağd qaydada xeyli miqdarda satma, belə məhsulları satış məqsədləri üçün nağd qaydada xeyli miqdarda almaya görə 1000 manatdan 2000 manatadək cərimə və ya 1 ilədək müddətə islah işləri və ya 1 ilədək müddətə azadlıqdan məhrumetmə ilə cəza tətbiq olunacaq.

İnzibati Xətalar Məcəlləsində təklif edilən dəyişikliyə əsasən isə pərakəndə satış istisna olmaqla, aksiz markası ilə markalanmalı olan məhsulların (mallar) nağd qaydada az miqdarda satılması, belə məhsulların satış məqsədləri üçün nağd qaydada az miqdarda alınmasına görə 100 manat məbləğində cərimə tətbiq ediləcək.

Dəyişikliklər səsverməyə çıxarılaraq qəbul olunub.

Mənbə: Trend

© Materiallardan istifadə edərkən hiperlinklə istinad olunmalıdır
+9°C
  • $ USD
    1.7022
  • € EUR
    1.8492
  • ₽ RUB
    0.0305