ƏRZAQ SƏBƏTİ

Çörək bol olacaq – BMT-NİN PROQNOZU
09 DEKABR 2016
241

Çörək bol olacaq – BMT-NİN PROQNOZU

2016-12-09 12:16:00

Gələn il qlobal dənli bitki ehtiyatlarının ən yüksək tarixi həddə çatacağı proqnozlaşdırılır. Bu, BMT-nin Kənd Təsərrüfatı və Ərzaq Təşkilatından (FAO) məlumatda qeyd edilib.

FAO 2017-ci ilin sonuna kimi qlobal dənli bitki ehtiyatlarının rekord həddə çatacağını ehtimal edərək öz proqnozlarını yeniləyib. Son olaraq dənli bitkilərin tələb və təklif məlumatına əsasən, xüsusilə buğda və xam taxılın inkişaf perspektivləri cari marketinq mövsümü başlayandan tədricən artıb. FAO hesab edir ki, dünya üzrə dənli bitki ehtiyatları ötən mövsümdən 1,4% çox olmaqla, 670 mln. tona kimi artacaq.

Buğda ehtiyatları yeni rekord hədd olaraq 238,5 mln. tona qədər artacaq. İnkişaf əsasən Çin, ABŞ və Rusiyanın payına düşür. Qlobal düyü ehtiyatları 171 mln. tona yüksəlib və xam taxıl ehtiyatının 261 mln. tona kimi artacağı ehtimal olunur.

2015-ci ildən 1,7% artıq olaraq, 2016-cı ildə dünya üzrə dənli bitki istehsalının 2 577 mln. tona kimi artacağı proqnozlaşdırılır. Rekord göstərici eyni zamanda düyü və qarğıdalı üçün də gözlənilir.

2017-ci ildə aşağı qiymət perspektivlərinin ABŞ-da buğda əkilən ərazilərin sahəsində azalmaya səbəb olacağı gözlənilsə də, əkinin Rusiya, Ukrayna, Hindistan və Pakistanda artacağı gözlənilir.

İnkişaf etmiş gəlirlər və əlverişli hava şəraiti Argentina və Braziliyada qarğıdalı əkinlərinin artmasına şərait yaradır.

Cənubi Afrikada qarğıdalı əkinlərinin ötən ilin səviyyəsinin 1/3-i həcmində artacağı proqnozlaşdırılır. Əlverişli hava şəraitinin 2016-cı ildə yüksək məhsul istehsalına töhfə verəcəyi gözlənilir.

Mənbə: Report

© Materiallardan istifadə edərkən hiperlinklə istinad olunmalıdır
+12°C
  • $ USD
    1.8045
  • € EUR
    1.9201
  • ₽ RUB
    0.0302