ƏRZAQ SƏBƏTİ

"Tarladan süfrəyə!” - dəyər zənciri yaradılır
07 SENTYABR
359

"Tarladan süfrəyə!” - dəyər zənciri yaradılır

2016-09-07 11:32:00
Layihənin məqsədi sağlam dəyər zəncirləri yarada biləcək istehsalçı, emalçı və tədarükçüləri – potensial iştirakçıları məlumatlandırmaq və onların bir araya gələrək, dəyər zəncirləri yaratmasına nail olmaqdır. Tarladan süfrəyə rahat çıxışı təmin etmək məqsədilə, Nazirlik bu qrupların birgə fəaliyyəti üçün mövcud problemləri müəyyənləşdirəcək və aradan qaldırılmasına dəstək verəcək. Kənd Təsərrüfatı Nazirliyi dəyər zəncirlərini təşkil edən bu həlqələrə - yaradılmış tərəfdaşlıqlara texniki, məsləhət və maliyyə dəstəyi göstərəcək.
 
Dəyər zəncirləri modellərinin yaradılması proqramı Kənd Təsərrüfatı Nazirliyinin Dünya Bankı ilə birgə icra etdiyi “Kənd təsərrüfatının rəqabət qabiliyyətinin gücləndirilməsi” layihəsi çərçivəsində icra olunur.
 
Ölkənin 5 regionunu -  Quba-Xaçmaz, Lənkaran-Masallı, Aran, Gəncə-Qazax,  Şəki-Zaqatala - əhatə edən proqram barədə məlumatlandırma kampaniyası indiyədək 30-dan artıq rayonda keçirilib. Kampaniya çərçivəsində keçirilən görüşlərdə yerli icra və bələdiyyə nümayəndələri, fermer və sahibkarlar iştirak ediblər.
 
Geniş məlumatlandırma kampaniyası başa çatdıqdan sonra layihə əməkdaşları fokus-qruplarda görüşlər təşkil edəcək. Bu görüşlərdə birbaşa istehsalçı, emalçı, tədarükçülərlə görüşüb, hər birinin problemləri, dəyər zənciri yaratmaq yolundakı çətinlikləri öyrəniləcək.
 
“Aqrobiznes dəyər zəncirinin inkişafı” proqramı çərçivəsində yalnız qida məhsulları istehsalçı, emalçı və tədarükçüləri iştirak edə bilər. Tütün, pambıq, eləcə də taxıl kimi texniki və strateji bitkilər bu layihənin predmeti deyil. Layihənin daha bir maraqlı cəhəti mövcud dəyər zəncirləri yaradılarkən Azərbaycan üçün brend olacaq məhsulların seçilməsi imkanıdır.
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275