PR

Azərbaycanda “Samsung” alanların sayı azalıb
03 SENTYABR
128

Azərbaycanda “Samsung” alanların sayı azalıb

2019-09-03 14:40:00

Bu ilin avqust ayında Azərbaycanın mobil qurğular bazarında “Samsung”un payı iyul ayı ilə müqayisədə 2,4% azalıb.

 “Global Stats” statistika mərkəzinin məlumatına görə, sentyabrın 1-nə “Samsung”un ölkə üzrə bazar payı 57,3% təşkil edib ki, bu da ötən ilin müvafiq göstəricisindən 2,3% azdır. Populyarlığına görə “Samsung” ölkənin mobil qurğuları bazarında birinci yeri tutur.

Cari ilin avqust ayında “Xiaomi” şirkətinin daxili bazar üzrə məhsullarının payı 18% artıb. Bu göstərici sentyabr ayının 1-nə olan məlumata görə, 14,3% təşkil edib ki, bu da ötən ilin analoji dövrü ilə müqayisəyə 8,8% çoxdur.

3-cü yerdə bazar payı 12,3% olmaqla “Apple” şirkətinin məhsulları qərarlaşıb. Bu şirkətin Azərbaycan üzrə bazar payı avqust ayı ərzində 4,3% artıb. Ötən ilin müvafiq dövrü ilə müqayisədə isə bu göstərici təxminən 9,1% çoxdur.

Digər mobil cihaz istehsalçılarının Azərbaycan bazarı üzrə pay bölgüsü: “Huawei” – 3,45%, naməlum (əsasən Çin mənşəli) istehsalçıların mobil cihazları – 2,02%, LG – 1,79%, “Nokia” – 1,75%, “Lenovo” – 1,34%, HTC – 0,99%, “Alcatel” – 0,76% və s.

© Materiallardan istifadə edərkən hiperlinklə istinad olunmalıdır