PR

Bank “Qış Qalası” yarmarkası keçirir
20 DEKABR 2016
287

Bank “Qış Qalası” yarmarkası keçirir

2016-12-20 14:03:00

Kapital Bank-ın dəstəyi və İçərişəhər Dövlət Tarix-Memarlıq Qoruğu İdarəsinin təşkilatçılığı ilə Qoşa Qala meydanında “Qış Qalası” adlı Yeni İl yarmarkası keçirilir. 10 yanvar 2017-ci il tarixədək hər gün, saat 14:00-dan başlayaraq 16:00-dək uşaqlar üçün animatorların iştirakı ilə maraqlı şou keçiriləcək. Saat 19:00-dan 21:00-dək isə məşhur müğənnilərin iştirakı ilə konsert təşkil ediləcək.

Yarmarkada bayram suvenirlərinin, atributlarının satışı nəzərdə tutulur. Bundan başqa müxtəlif hədiyyəli müsabiqələr həmçinin, isti və soyuq qəlyanaltıların, şirniyyatların və içkilərin satışı həyata keçiriləcək. Yarmarkaya qatılanlar anket doldurmaqla xaricə 2 nəfərlik səyahət qazana biləcəklər.

Selfi çəkdirməyi sevənlər də hədiyyə qazanacaq. Yarmarkada ən yaxşı şelfi çəkib, #gishgalasiselfie həştəqi ilə sosial şəbəkədəki səhifələrinə yerləşdirənlər, İçəri Şəhərdə olan restorana 2 nəfərlik şam yeməyi qazana bilərlər.

Yarmarkanın balaca qonaqları da hədiyyəsiz qalmayacaqlar. Çünki uşaqlar tədbirdə Şaxta Babaya məktub yazmaq imkanına malik olacaqlar. Xüsusi qutuya yığılan məktubların ən yaxşıları hədiyyə əldə edəcək.

© Materiallardan istifadə edərkən hiperlinklə istinad olunmalıdır
+28°C
  • $ USD
    1.7022
  • € EUR
    1.8999
  • ₽ RUB
    0.0285