NƏQLİYYAT

Azərbaycandan Türkiyə limanları vasitəsilə ötürülən yüklərin HƏCMİ açıqlanıb
07 İYUN
182

Azərbaycandan Türkiyə limanları vasitəsilə ötürülən yüklərin HƏCMİ açıqlanıb

2019-06-07 12:44:00

2019-cu ilin aprel ayında Azərbaycandan Türkiyə limanları vasitəsilə ötürülən yüklərin həcmi 142 ton təşkil edib.

Bu barədə Türkiyənin Nəqliyyat və İnfrastruktur Nazirliyindən məlumat verilib.

Nazirlikdən bildirilib ki, 2018-ci ilin yekunları üzrə Azərbaycandan Türkiyə limanları vasitəsilə ötürülən yüklərin ümumi həcmi 17 976 ton təşkil edib. Bu yüklər müxtəlif ölkələrin bayraqları altında üzən gəmilər vasitəsilə daşınıb.

Nazirlikdən qeyd ediblər ki, 2019-cu ildə Türkiyə limanları vasitəsilə başqa ölkələrə 2409 ton yük göndərilib.

Qeyd edək ki, 2019-cu ilin təkcə aprel ayında Türkiyə limanlarına 4,51 min gəmi gəlib. Bu gəmilərin 1,72 mini Türkiyə bayrağı altında, 2,79 mini müxtəlif ölkələrin bayraqları altında üzən gəmilərdir.

Ümumilikdə 2019-cu ilin yanvar-aprel aylarında Türkiyə limanları 16,2 min gəmi qəbul edib.

© Trend

© Materiallardan istifadə edərkən hiperlinklə istinad olunmalıdır