NƏQLİYYAT

Bu şirkət ilk yük lokomotivini Azərbaycana çatdırıb
20 DEKABR 2018
170

Bu şirkət ilk yük lokomotivini Azərbaycana çatdırıb

2018-12-20 13:06:00

 Fins.az-ın məlumatına görə,Fransanın “Alstom” şirkəti Bakı-Tbilisi-Qars regional dəmir yolu xəttində işləyəcək 40 yük lokomotivindən birincisini “ Azərbaycan Dəmir Yolları” QSC-yə (ADY) çatdırıb.Məlumata görə, Qazaxıstanda “EKZ” Müştərək Cəmiyyətində istehsal olunan lokomotiv dekabrın 7-də Astanadan yola salınaraq Azərbaycana, Bakının Biləcəri qəsəbəsinə gətirilib.“Alstom” şirkətinin Qərbi və Mərkəzi Asiya Bölgəsi üzrə İcraçı Direktoru Bernard Peille: “Biz ADY-nin strateji partnyoru olmaqdan və ölkədə yük nəqliyyatına artan ehtiyacı qarşılamaqda kömək edəcək ilk yük lokomotivini çatdırmaqdan məmnunluq duyuruq”.

Şirkət bir neçə ay ərzində Azərbaycan dəmir yolu infrastrukturunda təsdiqləyici sınaqlar keçirəcək.“Alstom” şirkətinin “Prima” seriyası ağır yük, yük və sərnişin əməliyyatları və manevr yaxud yol işləri əməliyyatları üzrə bütün lokomotiv bazar seqmentlərini əhatə edir. AZ8A Azərbaycan üçün işlənib hazırlanmış Prima T8 ağır yük lokomotividir. O, hazırda Qazaxıstanda xidmət göstərən KZ8A lokomotivlərinə və ADY-nin spesifik texniki tələblərinə əsaslanır, GOST (Müstəqil Dövlətlər Birliyinin texniki standartlaşdırma təşkilatı) standartlarına və göstəricilərinə uyğundur. 1990-cı ildən bu günə qədər, bütün dünyada 3 000-dən çox Prima lokomotivi satılıb. Səkkiz oxu olan Prima T8 dünyada ən güclü elektrik lokomotivlərindən biridir. Bu model quraşdırılmış 8,8 meqavatt davamlı güc ilə 9 000 tona qədər yükü yedəyə almağa və saatda 120 km sürətlə hərəkət etməyə qadir olan iki hissəli yük lokomotividir. AZ8A -25°C - 50°C temperaturlarda fəaliyyət göstərmək üçün layihələndirilib. O, minimal texniki xidmət tələb edir və modulyar dizaynı sayəsində yüksək səviyyədə etibarlılıq, eləcə də aşağı istismar müddəti xərcləri ilə əlaqədar tələbləri təmin edir.

“Alstom” və “Transmaşholdinq TMH” (Alstom 75%, TMH 25%) arasında müştərək müəssisə olan “EKZ”-də 440 işçi çalışır. Müəssisə Qazaxıstanın Milli Dəmir Yolu şirkəti olan “KTZ” tərəfindən sifariş edilən “Prima” elektrik lokomotivlərinin təchiz edilməsi və onlara texniki xidmət göstərilməsi,eyni zamanda Azərbaycan kimi ixrac bazarları üzərində çalışır. Bu gün 50 KZ8A yük lokomotivi və 20 KZ4AT sərnişin lokomotivi Qazaxıstanın dəmir yolu xətlərində kommersiya fəaliyyəti göstərir. 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9343
  • ₽ RUB
    0.0256