NƏQLİYYAT

Bakı üçün böyük sayda avtobus alınacaq - SƏRƏNCAM
08 AVQUST
728

Bakı üçün böyük sayda avtobus alınacaq - SƏRƏNCAM

2018-08-08 19:18:00

Azərbaycan Respublikasının Prezidenti İlham Əliyev "Bakı şəhərində avtobus parkının yenilənməsi haqqında" Sərəncam imzalayıb. Fins.az xəbər verir ki, Sərəncama əsasən, 300 ədəd sərnişin avtobusunun alınması məqsədilə Azərbaycan Respublikası Prezidentinin 2018-ci il 22 yanvar tarixli 3593 nömrəli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.84-cü bəndində göstərilmiş məbləğin 47 924 000 (qırx yeddi milyon doqquz yüz iyirmi dörd min) manatı ilkin olaraq Bakı Nəqliyyat Agentliyinə ayrıllb.

Sərəncamda qeyd edilir ki, Bakı şəhərinin ictimai nəqliyyatında göstərilən xidmətlərin həm təhlükəsizlik, həm də keyfiyyət nöqteyi-nəzərindən qabaqcıl dünya standartlarına çatdırılması məqsədilə, sərnişinlərin avtobus nəqliyyatından təhlükəsiz və rahat istifadəsinin təşkili üçün avtobus parkının yenilənməsi daim diqqət mərkəzindədir. 

 Son 3 ildə orta və iri tutumlu 300-dən artıq müasir sərnişindaşıyan avtobus alınaraq, Bakı şəhərinin marşrut şəbəkəsində istismara buraxılmışdır.

 Qeyd olunan istiqamətdə işlərin davam etdirilməsinin vacibliyini nəzərə alaraq daha 300 avtobus alınır.

 Bir neçə gün öncə Azərbaycanda sərnişindaşıma tarifləri artırılmışdı.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9423
  • ₽ RUB
    0.0253