NƏQLİYYAT

Qəbələyə dəmir yolu çəkilir
01 AVQUST
192

Qəbələyə dəmir yolu çəkilir

2018-08-01 12:12:00

Azərbaycanda turizm mərkəzlərinə dəmir yolu çəkilişi üzrə işlər davam edir. "Azərbaycan Dəmir Yolları" QSC-dən bildiriblər ki, hazırda Qəbələyə dəmir yolu xətlərinin çəkilməsi istiqamətində işlər aparılır, torpaq yatağı hazırlanır:

"Qəbələyə yol Ləkidən dönməklə çəkiləcək. Əvvəlcə Bakıdan Ləki stansiyasınadək, sonra Ləkidən sağ tərəfə çıxıb, Ağdaşın yanından keçməklə Qəbələnin hava limanına qədər gediləcək. Nəzərə almaq lazımdı ki, Ləki stansiyasından Qəbələyə qədər olan ərazinin relyefi bir az mürəkkəbdir, dağlıq yerlər var".

Qeyd olunub ki, bundan başqa, Qusar rayonundakı Şahdağ dağ-xizək kurortuna dəmir yolunun çəkilməsi və Bakı-Yalama xəttinin yeniləşdirilməsi nəzərdə tutulur:

"Burada da layihələndirmə işləri aparılır. Hər iki layihə üzrə dəmir yolunun çəkiləcəyi müddət bilinəndə ictimaiyyətə məlumat veriləcək".

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256