NƏQLİYYAT

Bakı-Sumqayıt yolu və son günlər yaşananlar...
29 İYUN
472

Bakı-Sumqayıt yolu və son günlər yaşananlar...

2018-06-29 11:30:00

Deməli belə.. Bakı-Sumqayıt yolu və son günlər yaşananlar...

OTURDUĞUN YERDƏN HƏDİYYƏ QAZAN!

- Yolun təmirinə ehtiyac var idimi?

- Bəli, var idi!

Bakı-Quba-Rusiya Federasiyası ilə dövlət sərhədi avtomobil yolunun 6-18-ci km-lik hissəsi 2008-ci ildə istifadəyə verilib və o gündən bu günə qədər, yəni 10 ildir təmir olunmayıb. Normativə əsasən hər 4-5 ildən bir yol örtüyünün aşınma qatı yenilənməlidir (hazırda görülən işlər)..

Sözügedən yol örtüyünün üst qatında intensiv hərəkət və təbii fatorların təsiri iləartıq aşınmalar yaranmışdı. Təmir işləri aparılmasaydı 1-2 ildən sonra asfalt örtüyün alt qatında daha ciddi problemlər yaranacaqdı. Artıq o zaman yol daha uzun müddətə bağlanılaraq təmirinə ehtiyac yaranacaqdı..Bu üzdən yolun hazırda qısa müddətlik təmiri daha məqsədəuyğun idi..

-Qeyd üçün deyim ki, bu kimi təmir işləri qərarı, özü də şəhərin intensiv hərəkət olan hissəsində nə AAYDA tərəfindən özbaşına gəbul edilib icra edilmir...Bu cür məsələlər Yol Hərəkəti Təhlükəsizlik komissiyasına daxil olan bütün qurumlarla məsləhətləşib razılaşdırıldıqdan sonra aparılır...

-Niyə indi və yayda?

-Bu təmir işini inanın ki, əsasən indi həmin yolda çalışan işçilər daha sərin aylarda keçirilməsinin tərəfdarıdılar... Amma və lakin bu işlər payız və ya yaz aylarında aparılsaydı bu zaman deyəcəkdilər ki, bəyəm bunu gözləyib məktəblərin tətili zamanı həyata keçirmək mümkün deyildimi!!! Biz də bunu gözlədik. Orta məktəb və ali təhsil müəssisələri tətilə çıxdıqdan sonra, sözügedən yolda hərəkət intensivliyi azalandan sonra işlərə başlanıldı. Hətta bayram günləri də nəzər alındı ki, birdən kimsə istirahətə rayona gedər maneəçilik yaşatmayaq...

-İş nə zaman bitəcək?

-Hazırda yolun tunelin çıxışından Biləcəri yolu ilə əsas yolun kəsişdiyi nöqtəyədək qızğın iş gedir. Bu səbəbdən 20 yanvar körpüsü və tunellə hərəkət məhdudlaşdırılıb. Nəqliyyat axını 20 yanvar dairəsi və Şamaxı yolu (Şamaxinka) adlanan əraziyə yönəldiyindən orda sıxlıq yaşanır. 2-3 günə dediyim ərazilərdə işlər bitən kimi körpü və tunellə hərəkət bərpa olunacaq və Şamaxı yolu deyilən ərazidə yaşanan sıxlıq aradan qalxacaq.

Ötən günlə müqayisədə hazırda ərazidə sıxlıq azalıb. Hətta ötən gün Sumqayıt istiqamətindən Bakıya girişdə xaos yaşanırdı. Hazırda isə bu yoxdur, yol boşdur. Niyə? Çünki sürücülər alternativ yollara (Bakı Dairəvi-1 - Lökbatan-Hocahəsən avtomobil yolları, Binəqədi şosesi - Binəqədi-Biləcəri (4-cü qapı küçəsi), Binəqədi-Novxanı-Masazır, Bİnəqədi-Novxanı-Corat və Sumqayıt-Pirşağı avtomobil yolları) üstünlük veriblər.

-Təmir işləri sonrakı mərhələlərdə hissə-hissə Xırdalan dairəsinə qədər davam etdiriləcək. Bu zaman hərəkət zolaqlarının yarısında təmir aparılacaqsa, yarısı ilə hərəkət davam etdiriləcək.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9828
  • ₽ RUB
    0.0267