NƏQLİYYAT

Bakı-Tbilisi-Qars dünya ölkələri arasında iqtisadi-ticarət əlaqələrinin genişlənməsində mühüm rol oynayacaq
30 OKTYABR 2017
297

Bakı-Tbilisi-Qars dünya ölkələri arasında iqtisadi-ticarət əlaqələrinin genişlənməsində mühüm rol oynayacaq

2017-10-30 13:13:00

Bakı-Tbilisi-Qars dəmir yolunun açılışı böyük tarixi hadisədir. Bu layihənin reallaşması Azərbaycan, Gürcüstan və Türkiyənin birgə qələbəsidir.

Təmizlik Xidmətinə 50% ENDİRİM!

Fins.az xəbər verir ki, bu sözləri Gürcüstan Baş nazirinin sabiq müavini və sabiq energetika naziri, Tbilisi şəhərinin yeni seçilmiş meri Kaxa Kaladze jurnalistlərə müsahibəsində söyləyib.

O deyib ki, bu gün regionumuzda Azərbaycan, Gürcüstan və Türkiyənin birgə iştirakı ilə bir sıra dünya miqyaslı çox mühüm layihələr həyata keçirilir. Bakı-Tbilisi-Ceyhan neft, Bakı-Tbilisi-Ərzurum qaz kəmərləri artıq regionun inkişafında və Avropanın enerji təminatında mühüm rol oynayır. Bakı-Tbilisi-Qars dəmir yolunun istismara verilməsi də bizim birgə qələbəmizdir və bu böyük tarixi hadisədir.

“İnanıram ki, Bakı-Tbilisi-Qars dəmir yolu regionda sülhün bərqərar olunmasında, iqtisadi, siyasi inkişafımizda, eləcə də dünya ölkələri arasında iqtisadi-ticarət əlaqələrinin, mədəni münasibətlərin genişlənməsində mühüm rol oynayacaq”, - deyə, Kaladze vurğulayıb.

Kaxa Kaladze daha sonra deyib: “Biz region xalqları üçün faydalı olacaq daha böyük layihələr həyata keçirəcəyik. Onlardan bəzilərinin inşası da artıq başa çatmaq üzrədir. Bütün bunlar bizə daha sürətli inkişaf, sülh, əmin-amanlıq və parlaq gələcək bəxş edəcək”. 

© AZƏRTAC
© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0067
  • ₽ RUB
    0.0272