NƏQLİYYAT

Avtobus sürücülərinə yaş məhdudiyyəti qoyuldu
03 FEVRAL 2017
874

Avtobus sürücülərinə yaş məhdudiyyəti qoyuldu

2017-02-03 09:28:00

Azərbaycanda sərnişin avtobuslarını idarə etmək hüququ qazanmaq üçün yaş hədləri ilə bağlı tələb qüvvəyə minib.

Fins.az-ın məlumatına görə, bu, Nazirlər Kabinetinin  “Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamə”yə edilən dəyişiklikdə əksini tapıb.

Əsasnaməyə əsasən Azərbaycan Respublikasının ərazisindəki yollarda “DE” kateqoriyası üzrə nəqliyyat vasitələrini idarə etmək hüququ 26 yaşdan yaranıb. Əsasnaməyə edilən dəyişikliyə əsasən yaş həddi çərçivəsi 26 yaşdan 65 yaşadək müəyyənləşdirilib.

Xaptırladaq ki, “DE” qoşqusunun icazə verilən maksimum kütləsi 750 kq-dan artıq olan “D” kateqoriyasından olan avtomobillərdir. Müvafiq tələb  “Yol hərəkəti haqqında” Azərbaycan Respublikasının Qanununda dəyişikliklər edilməsi barədə” 2016-cı il 30 sentyabr tarixli qanunda əksini tapıb. “Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamə”yə edilən dəyişiklikdə bu tələbin tətbiqinə başlanacaq.

Mənbə: APA

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9314
  • ₽ RUB
    0.0256