NƏQLİYYAT

Aviadaşımalarda bəzi xidmətlər üzrə - DÖVLƏT RÜSUMU LƏĞV OLUNDU
21 SENTYABR
888

Aviadaşımalarda bəzi xidmətlər üzrə - DÖVLƏT RÜSUMU LƏĞV OLUNDU

2016-09-21 17:36:00
Azərbaycanda İATA-nın "Mülki Aviasiya rüsumu"nun ləğv olunması təklif edilir.
 
Fins.az xəbər verir ki, "Aviasiya haqqında” qanunda dəyişikliklər edilməsi haqqında" qanun layihəsində mülki aviasiya sahəsində xidmətlərə və ya hüquqi hərəkətlərə görə tələb olunan dövlət rüsumlarının sayı azaldılıb.
Belə ki, qanuna təklif edilən dəyişikliklərdə İATA-nın “Mülki Aviasiya rüsumu” ekonom sinif, eləcə də İATA-nın “Mülki Aviasiya rüsumu” biznes və birinci sinif xidmətlərinə görə dövlət rüsumu ləğv edilib.
 
Bu qanuna dəyişiklik layihəsi “Dövlət rüsumu haqqında” qanununda da dəyişiklik edilməsini zəruri edib. “Dövlət rüsumu haqqında” Azərbaycan Respublikasının qanununda dəyişikliklər edilməsi barədə qanun layihəsində İATA-nın “Mülki Aviasiya rüsumu” ekonom sinif, eləcə də İATA-nın “Mülki Aviasiya rüsumu” biznes və birinci sinif xidmətlərinə görə müəyyən olunan dövlət rüsumumun dərəcələri də ləğv edilib.
 
İndiyədək İATA-nın “Mülki Aviasiya rüsumu” ekonom sinif xidmətinə görə 1 avro, biznes və birinci sinif xidmətlərinə görə isə 3 avro rüsum alınırdı.
 
Qeyd edək ki, "Aviasiya haqqında” və “Dövlət rüsumu haqqında” qanunlara dəyişiklik dünya maliyyə bazarlarında qeyri-sabit iqtisadi şəraitlə əlaqədar olaraq xarici aviaşirkətlərin yerli daşımalar bazarına cəlb edilməsi və ölkəmizin beynəlxalq hava limanlarından istifadə etməklə tranzit havadaşımalarının həcminin artırılması üçün əlverişli imkanların yaradılması məqsədi ilə hazırlanıb. Layihədə bu imkanların zəruriliyi nəzərə alınaraq İATA-nın “Mülki Aviasiya rüsumu”nun ləğv olunması təklif olunur.
 
Xatırladaq ki, İqtisadi siyasət, sənaye və sahibkarlıq komitəsinin sentyabrın 19-da keçirilən iclasında "Azərbaycan Respublikasının Vergi Məcəlləsində dəyişikliklər edilməsi haqqında" qanun layihəsi Milli Məclisin plenar iclasına tövsiyə edilib.
 
Mənbə: APA
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270