NƏQLİYYAT

Bakıda elektrik qatarları bərpa olunur – RƏSMİ AÇIQLAMA
16 AVQUST
1180

Bakıda elektrik qatarları bərpa olunur – RƏSMİ AÇIQLAMA

2016-08-16 16:29:00

2017-ci ilin sonunadək Bakı Dəmiryol Vağzalından Pirşağı-Novxanı-Bağlar istiqamətində elektrik qatarları bərpa ediləcək. Dövlət Dəmiryolu İdarəsindən (DDİ) fins.az-a verilən məlumata görə, bununla bağlı gələn ilin əvvəlindən dairəvi dəmiryolunda təmir-bərpa işlərinə başlanacaq.

Qatarlar bağlardan gəlib Zabrat stansiyasından “Koroğlu” metrosu istiqamətində hərəkət edəcək. Oradan isə birbaşa  Dəmiryol Vağzalına gedəcək.

Beləliklə, Bakı kəndlərinin bir hissəsini əhatə edən dəmiryolu xəttinin işə düşməsi sərnişinlərin gediş-gəlişini rahatlaşdlracaqş Eyni zamanda yollarda maşınların sıxlığını azaldacaq.

Aeroporta qatar hardan gedəcək?

DDİ-dən bildiriblər ki, Mərdəkan-Şüvəlan istiqamətində elektrik qatarlarının bərpası da planlaşdırılıb. Lakin bu istiqamətdə  işlər   hələ başlamayıb.

Plana əsasən, həmin xəttin Binə qəsəbəsindən keçən hissəsindən Heydər Əliyev Beynəlxalq Hava Limanına dəmiryolu xətti tikiləcək. Bu işlərin 2017-ci ildən sonra başlanacağı bildirilib.

Biləcəri və Xırlalan stansiyaları hazırlanır

Bu ilin sonuna kimi isə Biləcəri və Xırdalan dəmiryolu stansiyaları vətəndaşların istifadəsinə veriləcək. Dəmiryol İdarəsindən bildiriblər ki, həmin stansiyalarda platformaların və turnuketlərin qurulması işləri aparılır.

Xəbər verilib ki, bu işlər ilin sonuna kimi yekunlaşacaq. Bundan sonra Bakı-Sumqayıt qatarı həmin stansiyalarda da dayanacaq və sərnişinlərə xidmət edəcək. 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275