NƏQLİYYAT

Astara-Rəşt dəmir yolu müzakirə olunub
27 İYUL
167

Astara-Rəşt dəmir yolu müzakirə olunub

2016-07-27 16:40:00

Astara-Rəşt dəmir yolunun tikintisinə Azərbaycanın maliyyə yatırımı məsələsi müzakirə edilib.

Fins.az-ın "Azərtac"-a istinadən məlumatına görə, “Azərbaycan Dəmir Yolları” QSC-nin mətbuat katibliyindən  bildirilib ki, müzakirə iyulun 27-də Bakıda “Azərbaycan Dəmir Yolları” QSC-nin sədri Cavid Qurbanovla İran İslam Respublikası yol və şəhərsalma nazirinin maliyyə təminatı və beynəlxalq məsələlər üzrə müavini Əsgər Fəxriyyə Kaşanın başçılıq etdiyi nümayəndə heyəti ilə görüşü zamanı aparılıb.

Cavid Qurbanov Azərbaycan dəmir yolunda reallaşdırılan layihələr, qarşıda duran perspektiv vəzifələr haqqında məlumat verib. Bildirib ki, “Şimal-Cənub” beynəlxalq nəqliyyat dəhlizinin tikintisinin reallaşdırılması iştirakçı ölkələrin tranzit potensialının artırılmasında, ölkələrimiz arasında əlaqələrin daha da genişləndirilməsində mühüm rol oynayacaq.

Əsgər Fəxriyyə Kaşan “Şimal-Cənub” beynəlxalq nəqliyyat dəhlizinin Azərbaycan və İran arasında iqtisadi əməkdaşlığın genişləndirilməsinə öz töhfəsini verəcəyini bildirib.

Görüşdə Azərbaycan tərəfinin Astara-Rəşt dəmir yolu tikintisinə Azərbaycanın maliyyə yatırımı, dəmir yolu tikintisinin qrafiki, bununla bağlı işlərin həyata keçirilməsi məsələləri müzakirə olunub.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270