İKT

Bakı metrosunun mobil əlavəsi istifadəyə veriləcək – “Android” və “iOS” üçün
15 APREL
177

Bakı metrosunun mobil əlavəsi istifadəyə veriləcək – “Android” və “iOS” üçün

2019-04-15 12:14:00

May ayının sonunadək “Android” və “iOS” cihazları istifadəçilərinə “Bakı Metropoliteni”nin mobil əlavəsi təqdim olunacaq. Bunu layihənin rəhbəri Şamxal Bayramov deyib.

Onun sözlərinə görə, “Baku Metro” adlanacaq bu tətbiq vasitəsilə istifadəçilər qatarların gəlmə vaxtı, stansiyalar arasında olan məsafə və bu məsafəni qət ediləcək vaxt barədə interaktiv olaraq məlumat ala biləcəklər. Mobil tətbiqin interfeysi Azərbaycan, rus və ingilis dillərində olacaq.

“Bu yaxınlarda biz “BakuBus” ın mobil əlavəsi üzərində yeniləmə işləri apardıq. Belə ki, bu əlavəyə yeni marşrutlar daxil edilib”, – deyə Ş. Bayramov bildirib.
Tətbiq marşrut boyunca avtobusların hərəkətini real vaxt rejimində izləmək imkanı verir. İstifadəçilər avtobus marşrutunu seçib, seçdiyi marşrut üzrə hansı avtobusun hərəkət etməsi barədə məlumat əldə edə biləcəklər.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9338
  • ₽ RUB
    0.0269