İKT

“Google Play” mağazasında casus proqramlar aşkar edilib
03 APREL
121

“Google Play” mağazasında casus proqramlar aşkar edilib

2019-04-03 11:31:00

“Security Without Borders” şirkətinin informasiya təhlükəsizliyi üzrə mütəxəssisləri və “Motherboard” nəşrinin icmalçıları tərəfindən keçirilmiş araşdırma zamanı “Google Play” rəsmi mağazasında yerləşdirilmiş “Android” tətbiqlərində casus proqram təminatının mövcud olması məlum olub.
Fins.az xəbər verir ki, “Exodus” adlandırılmış zərərverici element 2016-cı ildən 2019-cu ilin əvvəlinə kimi aktiv olub. Zərərverici mobil operatorların tətbiqi və ya qurğuların işinin təkmilləşdirilməsi üçün xidmət proqramı adı altında maskalanıb.
“Motherboard” nəşrinin məlumatına görə, 2 il ərzində “Google Play” mağazasında 20-dən çox proqram yerləşdirilib. Bir neçə mobil proqram ən azı 100 dəfə yüklənilib. Siyahıdakı bir proqram isə 350 dəfə yüklənilib.
Jurnalistlərin məlumatına görə, bu zərəverici proqram təminatı izləmə kameralarının hazırlanması ilə məşğul olan “eSurv” şirkəti tərəfindən İtaliya hökumətinə satılıb.
İtaliya hökuməti qurğu vasitəsilə istifadəçiləri gizli dinləmək, həmçinin brauzerin tarixçəsinə, təqvim yazılarına, istifadəçinin olduğu yerlərə, çatlara və başqa şəxsi məlumatlara giriş imkanı əldə edib.
 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9069
  • ₽ RUB
    0.027