İKT

Huawei-nin illik satışları 100 milyard dolları keçib
03 APREL
63

Huawei-nin illik satışları 100 milyard dolları keçib

2019-04-03 10:08:00

Huawei-nin xalis mənfəəti illik 25,1 faiz artımla 8,9 milyard dollara çatıb.

Huawei 2018-ci ilin maliyyə nəticələri hesabatını dərc edib.

Fins.az Marja-ya istinadən xəbər verir ki, hesabata görə,  şirkət 2018-ci ildə əhəmiyyətli bir inkişaf qeyd edib. Satış gəliri əvvəlki ilin eyni dövrünə nisbətən 19,5 faiz artaraq 107,5 milyard dollar səviyyəsinə çatan Huawei-nin xalis mənfəəti isə illik 25,1 faiz artımla 8,9 milyard dollara yüksəlib.

Huawei 2018-ci ildə Ar-Ge-yə (araşdırmaya) 15,8 milyard dollar (satış gəlirinin 14,1%-i nisbətində) investisiya edib

Son 10 ildə, Huawei-nin Ar-Ge xərcləri 67 milyard dollardan çox olub. Dünya Əqli Mülkiyyət Təşkilatı (WIPO) tərəfindən nəşr olunan rəsmi məlumatlara görə, Huawei 2018-ci ildə 5 min 405 patent ərizəsi ilə müraciət edib. Huawei dünya üzrə ən çox patent ərizəsilə müraciət edən şirkət olub.

Huawei daimi 5G-yə sərmayə yatırır. 

"Kiber təhlükəsizlik və istifadəçi məxfiliyinin qorunması hər zaman ən önəmli müzakirə mövzumuz olub. Huawei ilə işləməyi seçən şirkətlərin 5G dövründə ən rəqabətə davamlı təşkilatlar olacağına əminik. Huawei ilə iş birliyində olan ölkələr, bir sonrakı rəqəmsal iqtisadi  inkişaf dalğasında da üstünlüklər əldə edəcəklər",- Huawei-nin  İcraçı direktorlarından Guo Ping bildirib. 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9068
  • ₽ RUB
    0.0267