İKT

Yeni proqram “gizlədilmiş” vaxtı göstərəcək
18 MART
170

Yeni proqram “gizlədilmiş” vaxtı göstərəcək

2019-03-18 16:49:00

Bir neçə ay əvvəl “Google” korporasiyası “Android 9.0” əməliyyat sisteminin idarəetməsi altında işləyən smartfonlardan istifadəyə məhdudiyyət qoyulması və nəzarət üçün “Digital Wellbeing” texnologiyasını təqdim edib.

Bu texnologiya elektron qurğu asılılığından yorulmuş və ondan qurtulmaq məqsədilə köməyə ehtiyac duyan şəxslər üçün yaradılıb. Bu yaxınlarda yeni texnologiya əsasında “Action Launcher” və “Link Bubble” kimi xidmətlərin müəllifi Kris Leysi tərəfindən “ActionDash” proqramı istifadəyə verilib.

Fins.az bildirir ki, www.techcult.ru saytının məlumatına görə, “ActionDash” proqramı “Digital Wellbeing” kimi, seçilmiş istifadəçinin proqramlara girişini məhdudlaşdıra bilməsə də, onlardan istifadəsinin bütün statistikasını nöqsansız şəkildə toplayır və analiz edir. O, proqramın istifadə edildiyi vaxtı və müddəti, göndərilən xəbərdarlıqları, istifadə edilən məlumatları və s. göstərir. İnformasiya aydın qrafik və diaqramlar şəklində təqdim edilir.

Məsələn, daha insan özünü aldada və iddia edə bilməz ki, elektron kitablar oxuyur, çünki “ActionDash” ötən həftə neçə səhifənin oxunduğunu göstərəcək. Əyləncə portalında və iş saytında keçirilmiş vaxtın nisbəti saat və dəqiqələrin necə ötdüyünü anlamağa kömək edəcək.

“Google” şirkəti “Digital Wellbeing” texnologiyasını yeni “Samsung” və “Nokia” qurğularında istifadəyə verəcək. Kris Leysinin proqramı isə, hətta “Android 5.0” əməliyyat sisteminin idarəetməsi altında işləyən köhnə smartfonlar da daxil olmaqla, artıq bütün qurğularda əlçatandır.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9105
  • ₽ RUB
    0.0266