İKT

5 arxa kameralı Nokia-nın REAL FOTOLARI
11 FEVRAL
203

5 arxa kameralı Nokia-nın REAL FOTOLARI

2019-02-11 13:10:00

Rəsmi press-render fotolardan sonra internetdə təqdimata hazırlaşan 5 arxa kameralı Nokia 9 PureViewsmartfonunun real fotoları da ortaya çıxdı. Qeyd etmək lazımdır ki, smartfon haqqında demək olar ki, hər şey məlumdur. Bu barədə Gizmochina saytı xəbər verib. Onun əsas fərqləndirici özəlliyi isə 5 arxa kamera moduluna sahib olmasıdır. Əvvəlcədən də güman edildiyi kimi Nokia 9 PureView smartfonu 18:9 nisbətli QHD+ keyfiyyətli 6 düym AMOLED ekrana sahib olacaq və ekranın özü HDR 10-nu dəstəkləyəcək.

Ekran üzərində heç bir çıxıntı hissə olmayacaq və o hər tərəfdən qalın olmayan çərçivələr ilə əhatə olunacaq. Bundan əlavə olaraq Nokia modelləri arasında ilk dəfə olaraq məhz Nokia 9 PureView smartfonu ekrana inteqrasiya edilmiş barmaq izi skanı texnologiyası ilə təchiz olunacaq. Smartfonda əsas marağı cəlb edən məhz arxa paneldir. Belə ki, arxa paneldə Zeiss markalı 5 kamera modulu, işıqlandırma sistemi və lazer avtofokusu var.

Arxa kamera modullarının özəllikləri barəsində məlumat yoxdur. Lakin 5 kamera sensoru qəliz mühitlərdə çəkiliş zamanı daha çox işığın əldə olunmasına imkan verəcək. Əsas texniki göstəricilərə gəldikdə isə smartfon 8 nüvəli Snapdragon 845 prosessoru, 6/8 GB RAM, 128/256 GB daxili yaddaş həcmi və 4150 mAh enerji tutumlu batareya ilə təchiz olunacaq. Smartfon çox güman ki, təmiz Android Pie əməliyyat sistemi vasitəsilə çalışacaq və Android Q-ə kimi yenilənəcək. Nokia 9 PureView smartfonu Nokia 6.2 modeli ilə birlikdə MWC 2019 sərgisində təqdim olunacaq.

© Banker.az

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9008
  • ₽ RUB
    0.0262