İKT

“Azərpoçt”un mənfəəti kəskin azalıb
26 DEKABR 2018
335

“Azərpoçt”un mənfəəti kəskin azalıb

2018-12-26 17:55:00

Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-nin cəmi aktivləri bu il yanvarın 1-nə 115 milyon 228 min manat təşkil edib.

Şirkətin maliyyə hesabatına görə, bu, ötən il yanvarın 1-i ilə müqayisədə 14,3% çoxdur.

2017-ci ildə “Azərpoçt”un uzunmüddətli aktivləri 1,8% azalaraq 57 milyon 98 min manata düşüb, qısamüddətli aktivləri isə 36,1% artaraq 58,13 mln. manata çatıb.

Ötən il “Azərpoçt”un cəmi öhdəlikləri 25,8% artaraq 57,185 mln. manat, o cümlədən uzunmüddətli öhdəlikləri 9,3% azalaraq 14,273 mln. manat, qısamüddətli öhdəlikləri isə 44,5% artaraq 42,912 mln. manat təşkil edib. Hesabat dövründə şirkətin cəmi kapitalı isə 4,8% artaraq 58,043 mln. manat olub.

2017-ci ildə “Azərpoçt”un göstərdiyi xidmətlərdən gəlirləri 46,011 mln. manat (2016-cı ilə nisbətən 15% çox), xidmətlərinin maya dəyəri 28,383 mln. manat (18,1% çox), digər əməliyyat gəlirləri 2,412 mln. manat (13,5% az), digər əməliyyat xərcləri 17,594 mln. manat (32,1% çox), xarici valyuta mövqeyinin yenidən qiymətləndirilməsi üzrə zərəri 127 min manat (2016-cı ildə gəlir olub), maliyyə xərcləri isə 632 min manat (2016-cı ildə zərər olub) təşkil edib. Şirkət mənfəət vergisi ödəməyib.

Son nəticədə “Azərpoçt” ötən ili 2 milyon 952 min manat mənfəətlə başa vurub. Halbuki, şirkət 2016-cı ildən 4 milyon 596 min manat xalis mənfəətlə çıxmışdı.

Xatırladaq ki, “Azərpoçt” 1999-cu ildən fəaliyyət göstərən “Azərpoçt” Dövlət Müəssisənin bazasında yaradılıb. Onun nizamnamə kapitalı 73,344 mln. manatdır. 

©Report

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9097
  • ₽ RUB
    0.0264