İKT

Bu il ən çox Mark Sukerberqin sərvəti azalıb
26 DEKABR 2018
159

Bu il ən çox Mark Sukerberqin sərvəti azalıb

2018-12-26 10:44:00

“Facebook” şirkətinin təsisçisi və baş direktoru Mark Sukerberqin dünyanın ən varlı insanları arasında sərvətində böyük azalma qeydə alınıb. Bu barədə “Bloomberg” agentliyinin sahibkarlara məxsus aktivlərin qiymətləndirilməsi əsasında gündəlik yenilənən “Bloomberg Billionaires Index” milyarderlər indeksində deyilir.

“DailyComm” resursuna istinadən, bu ilin yanvar-dekabrında “Facebook” rəhbərinin var-dövləti 23 milyard azalaraq 49,7 milyard dollar təşkil edib. Azalmaya “Facebook”un istifadəçi məlumatlarının sızması ilə bağlı qalmaqallar fonunda yaranan böhranlar səbəb olub.

Reytinqə görə, dünyanın ən varlı insanı “Amazon” internet şirkətinin təsisçisi və baş direktoru Ceff Bezos olaraq qalır. Onun sərvəti sentyabrda 168 milyard dollar olmaqla ən yüksək həddə çatıb, lakin dekabrın sonunda 53 milyard – 115 milyard dollaradək azalıb.

Bildirilir ki, C.Bezosun kapitalı əsasən “Amazon” şirkətinin – dünyanın ən böyük internet pərakəndə satış şəbəkəsinin səhmlərinin dəyərinin bahalaşması sayəsində artıb. O, “Amazon” səhmləri ilə yanaşı, “The Washington Post” qəzeti və kosmik gəmilərin hazırlanması ilə məşğul olan “Blue Origin” şirkətinin sahibidir.

2018-ci ildə dünyanın 500 ən varlı sahibkarının var-dövləti 511 milyard dollar azalaraq ümumilikdə 4,7 trilyon dollar təşkil edib. “Bloomberg” ekspertləri bunu dünya ticarətində gərginlik və ABŞ-da əksər bazarlara təsir göstərən iqtisadi tənəzzüllə əlaqədar narahatlıqla izah edirlər.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9143
  • ₽ RUB
    0.0267