İKT

Baş nazir işçilərə "Huawei" telefonlardan istifadəni qadağan etdi
19 DEKABR 2018
164

Baş nazir işçilərə "Huawei" telefonlardan istifadəni qadağan etdi

2018-12-19 15:14:00

Çexiyanın Baş naziri Andrey Babiş Nazirlər Kabineti Aparatının əməkdaşlarının "Huawei" markalı mobil telefonlardan istifadəsini qadağan edib.

Fins.az-ın Trend-ə istinadən məlumatına görə, buna səbəb Çexiyanın Kibernetik Təhlükəsizlik üzrə Milli İdarəsinin rəhbəri Duşan Navratilin Çinin "Huawei" və ZTE firmalarının məhsullarının ölkə üçün təhdid yaratması ilə bağlı bəyanatı olub.

D.Navratil bildirmişdi ki, rəhbərlik etdiyi qurum bu firmaların məhsullarının respublikanın təhlükəsizliyinə təhdid törətdiyini hesab edir.

 

Onun sözlərinə görə, Çin qanunları ölkədə çalışan özəl şirkətlərdən kəşfiyyat fəaliyyətində əməkdaşlıq etməyi tələb edir.

Bundan başqa, İdarənin hesabatında qeyd olunur ki, ölkədə Çin xüsusi xidmət orqanlarının fəaliyyəti, xüsusən də sənaye casusluğu sahəsində aktivləşib.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9288
  • ₽ RUB
    0.0264