İKT

Azərbaycan yeni elektron hökumət modelinə keçir - Video
11 OKTYABR
122

Azərbaycan yeni elektron hökumət modelinə keçir - Video

2018-10-11 15:17:00

Azərbaycan yeni elektron hökumət modelinə keçir. 

Fins.az xəbər verir ki, bütün zəruri xidmətlər elektron hökumətin vahid infrastruktur bazasında göstəriləcək. Vətəndaşlar onlara lazım olan informasiyaları daha tez əldə edəcəklər.
 
Yaxın gələcəkdə hansısa dövlət qurumunda sizinlə bağlı informasiya varsa, o informasiya sizdən kağız formasında istənilməyəcək. Qurum sistemə daxil olaraq məlumatı özü götürəcək. Ümumiyyətlə isə elektron xidmətdən istifadə üçün ayrı-ayrılıqda dövlət qurumlarının sisteminə daxil olmağa ehtiyac qalmayacaq. Şəxsi məlumatlar bir kabinetdə toplanacaq.
 
Elektron hökumətin yeni modelinə keçid vətəndaşların işini daha da rahatlaşdıracaq.

Elektron hökumətin inkişafı mərkəzinin direktoru Fariz Cəfərov deyib ki, xidmətlərdən istifadə zamanı nəzərə çarpacaq çeviklik əldə olunacaq.

Eləcə də bax:İki yeni “Huawei” prosessoru buraxılıb
 
Yeni modelin üstünlüklərindən biri də odur ki, vətəndaşlar sənədləri ilə bağlı görməli olduqları işlərdən onlayn şəkildə öncədən məlumatlandırılacaqlar.
 
Elektron hökumətin yeni modelinin tətbiqi 2019-cu ildə nəzərdə tutulur.

Mövzu ilə bağlı daha ətraflı videomaterialı təqdim edirik:

Qafqazinfo

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9479
  • ₽ RUB
    0.0259