İKT

Alimlər çoxqatlı elastik elektronika hazırlayıblar
16 AVQUST
117

Alimlər çoxqatlı elastik elektronika hazırlayıblar

2018-08-16 12:43:00

Mühəndislər yumşaq və elastik "üçölçülü uzadıla bilən elektronikanın" yaradılması texnologiyasını işləyib hazırlayıb.
Fins.az“naukatv.ru” saytına istinadən yazır ki, Kaliforniya universitetindən olan mütəxəssislər komandası dəridə sarğı kimi istifadə edilə bilən və müxtəlif göstəricilərin (nəfəs, bədən hərəkəti, temperatur, gözlərin hərəkəti, ürək və beynin aktivliyi) simsiz monitorinqi məqsədilə dartıla bilən elektron plastır hazırlayıb. Qəpik ölçüsündə olan qurğu, həmçinin avtomatlaşdırılmış “əlin” simsiz idarə edilməsində tətbiq oluna bilər.
Bu hazırlama bir-bir ilə qarşılıqlı əlaqədə olan elastik çap lövhələrin 4 qatından ibarətdir. Hər bir qat onları bir-birindən təcrid edən elastomer təbəqə üzərində yerləşir. Bərk elektron hissələr elastomerə bərkidilib və bükük formalı nazik mis məftillərdən düzəldilmiş elastik "körpü"lərlə birləşdirilib ki, bu da sxemlərin elektron funksiyaya zərər etmədən dartılmasına, əyilməsinə və bükülməsinə imkan verir.
"Ağıllı" sarğı 10 metrədək məsafədən smartfon və ya noutbukla simsiz rabitəni dəstəkləyir. İstehsalçılar sözügedən texnologiyanın optimallaşdırılması və təkmilləşdirilməsi işlərini davam etdirəcək və mütəxəssislər gələcəkdə qurğunu kliniki şəraitdə sınaqdan keçirməyə ümid edirlər.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256