İKT

5G nədir və sizə necə təsir edəcək?
30 İYUL
197

5G nədir və sizə necə təsir edəcək?

2018-07-30 14:40:00

Supersürətli "5-ci nəsil 5G" rabitə standartı bəzi ölkələrdə gələn ildən tətbiq oluna bilər.
Bəs görəsən bu həyatımıza necə təsir göstərəcək?
Bunun üçün yeni telefona gərək varmı? Rabitə sürəti əvvəlkinə nisbətdə nə qədər fərqlənəcək?
5G texnologiyası nədir?
5G daha öncəki rabitə standartları ilə müqayisədə daha yüksək yükləmə və endirmə sürətinə malikdir.
O, daha geniş əhatə dairəsi və daha sabit bağlantını təmin etməlidir.
4G-dən çoxmu fərqlidir?
Bəli, bu tamamilə yeni radiosiqnal texnologiyasına əsaslanır.
Onun sürəti operatorun seçdiyi avadanlıq, antenlər və ötürücülərə yatırımdan asılı olacaq.
Hazırkı vəziyyətə nisbətdə bu necə imkanlar yaradır?
"Hazırda mobil telefonlarla vasitəsilə etdiyiniz bütün əməliyyatları daha tez və təkmil şəkildə etməyə qabil olacaqsınız", - OpenSignal araşdırma mərkəzinin təhlilçisi Ian Fogg deyir.
"Ən önəmlisi isə bu texnologiyanın öncədən proqnoz etmək iqtidarında olmadığımız yeni xidmətlərə yol açmasıdır".
Yeni telefona ehtiyac varmı?
Bəli, qorxuram ki, var. 2009/10-cu illərdə yeni standarta cavab verən smartfonlar 4G infrastrukturun tam tətbiqindən öncə təqdim olundu.
O, zaman xidmətin "zəif işləməsi"nə görə aşırı pul ödədiyini düşünənlər məyus olmuşdu.
Çox güman istehsalçılar eyni səhvə yol vermək istəmirlər, Ian Fogg deyir.
Onun sözlərinə görə, çox güman ki, 5G xidmətin istismara tam hazır olmasından sonra yeni smartfonlar istehsal olunacaq.
Yeni nəsil telefonlar sabit xidməti təmin etmək məqsədilə 4G və 5G siqnalına köklənməyə qadir olacaqlar.
5G nə zaman hazır olacaq?
Əksər ölkələrdə 5G xidmətinin 2020-ci ilədək təqdim olunacağı gözlənilir.
Lakin Qətərin Ooredoo telekommunikasiya şirkəti artıq 5G kommersiya xidmətini işə saldığını bildirir.
Cənubi Koreya bu xidmətə gələn il keçməyi planlaşdırır.
2019-cü ildə yeni texnologiyaya keçməyə tələsənlər arasında Çin də var.

© Teach.az

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9479
  • ₽ RUB
    0.0259