İKT

Chrome-un məhsuldarlığı aşağı düşəcək
20 İYUL
244

Chrome-un məhsuldarlığı aşağı düşəcək

2018-07-20 19:19:00

Dünyanın ən populyar masaüstü brauzerində başlanğıc ayar kimi istifadə edilən arxitektura tamamilə dəyişdiriləcək. Nəticədə "Chrome" brauzeri əməli yaddaşda daha çox yer tutacaq, lakin sistemi "Spectre" prosessor boşluğundan istifadəyə əsaslanan hücumdan qoruyacaq.
Fins.az Milli.Az-a istinadən bildirir ki, "Intel" və "ARM64" prosessorları, həmçinin "AMD"-nin bəzi məhsullarına təsir göstərən "Meltdown" və "Spectre" boşluqları haqda ilk dəfə 2018-ci il yanvarın 3-də məlum olmuşdu. Aparat səviyyəsində edilmiş səhvlərə görə cari anda qurğuda emal edilən məlumatların oğurlanması mümkündür.
Əməliyyat sistemində boşluğu aradan qaldıran paketlər quraşdırılmadığı halda məlumatları oğurlamaq üçün istifadəçini saxta sayta daxil olmağa vadar etmək və ya normal sayta zərərli kod quraşdırmaq kifayətdir. Bu halda saytın kodu və zərərli "JavaScript" kodu eyni proses kimi işə düşür, nəticədə prosessordakı boşluğa görə parol və başqa məlumatlara baxmaq mümkün olur.
"Chrome" brauzerinin tərtibatçıları məhz bu boşluqla mübarizə aparmağa dair qərar veriblər.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9349
  • ₽ RUB
    0.0253