İKT

“Android”in yeni versiyasının adı məlum oldu
13 İYUL
65

“Android”in yeni versiyasının adı məlum oldu

2018-07-13 10:19:00

Çinin “Huawei” şirkəti özü də bilmədən “Andorid” əməliyyat sisteminin növbəti versiyasının adını açıqlayıb.
Fins.az xəbər verir ki, çox güman ki, o, “Android 9.0 Pistachio” adlandırılacaq.
Yeni əməliyyat sisteminin adının sirri portuqaliyalı istifadəçi və “Huawei”in texniki dəstəkçisi arasında olan dialoqda açılıb. Belə ki, istifadəçi özünün “Huawei P9 Lite” telefonu üçün sistem yenilənməsi gözləyib-gözləməməli olduğunu soruşub. Söhbət zamanı şirkət əməkdaşı bilmədən və ya qəsdən ona əməliyyat sisteminin yeni versiyasının adını bildirib. O, “Android Pistachio”, yəni “fıstıq” adlanacaq. 
“Android 9.0”-nun adında “P” hərfinin olacağı sirr deyildi. ABŞ-ın “Google” brendi öz əməliyyat sistemlərini əlifba sırası ilə adlandırır. Çox vaxt da şirkət onları hər hansı ləziz yeməklərin şərəfinə adlandırır. Ancaq istifadəçilər təxmin edirdilər ki, doqquzuncu “Android” “Ananas”, "Pineapple" və yaxud "Pistachio Ice Cream", yəni “fıstıqlı dondurma” adlanacaq.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9801
  • ₽ RUB
    0.0270