İKT

“Apple” öz kredit kartını buraxacaq
11 MAY
300

“Apple” öz kredit kartını buraxacaq

2018-05-11 16:22:00

“Apple” korporasiyası “Goldman Sachs” yatırım bankı ilə birlikdə “Apple Pay” brendi altında kredit kartı buraxmağa hazırlaşır.

Fins.az xəbər verir ki, kart 2019-cu ilin əvvəlində dövriyyəyə buraxılacaq.

“Apple Pay” hər iki şirkətə öz bizneslərində qarşılaşdıqları çətinlikləri aradan qaldırmaqda kömək edəcək. Tərəfdaşlıq çərçivəsində “Goldman Sachs” “Apple” müştərilərinə kredit təklif edəcək. “Apple” hazırda “iPhone” vasitəsilə hər rəqəmsal ödənişdən 0,15% pay götürür, yeni kartın istifadəyə verilməsindən sonra isə iki dəfə çox gəlir əldə edə bilər.

Hazırda kartın parametrləri razılaşdırılır. Hər iki tərəf şərh verməkdən yayınıb.

Qeyd edək ki, hazırda “Apple” “Barclays” bankı ilə əməkdaşlıq edir. “Goldman Sachs” bu əməkdaşlıqda “Barclays”ı əvəz edəcək. Ötən il “Apple” “iPhone” vasitəsilə pul köçürmələri funksiyasını sınaqdan keçirib və bu il bəzi ölkələrdə bu funksiya tətbiq olunub.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9602
  • ₽ RUB
    0.0254