İKT

ABŞ mobil rabitə bazarında böyük birləşmə!
30 APREL
175

ABŞ mobil rabitə bazarında böyük birləşmə!

2018-04-30 10:27:00

ABŞ-ın üçüncü və dördüncü böyük mobil rabitə operatorları - “T-Mobile” və “Sprint” birləşmək barədə razılığa gəliblər.

Bu barədə “Twitter”də “T-Mobile”ın icraçı direktoru Con Ledjer açıqlama verib. Birləşmiş şirkətə məhz o rəhbərlik edəcək.

“Elan etməkdən şadam ki, “T-Mobile” və “Sprint” şirkətləri birlikdə yeni şirkət yaratmaq barədə razılıq əldə ediblər. Bu, daha iri və güclü rəqib kimi bazara daxil olacaq, bütün amerikalı istehlakçılar və biznes üçün pozitiv dəyişikliklərin faktoruna çevriləcək”, - deyə C. Ledjer söyləyib. O qeyd edib ki, birləşmiş şirkət ABŞ tarixində ən böyük buraxıcılıq imkanlarına malik şəbəkə yaratmağı planlaşdırır. Bu məqsədlə minlərlə yeni əməkdaş cəlb olunacaq. Ümummilli şəbəkə 5G rabitənin təmin olunmasında ABŞ-ı lider mövqeyinə çıxaracaq.    

Birləşmə qərarından əvvəl “Sprint” bazarda 26 milyard dollar, “T-Mobile” isə 55 milyard dollar həcmində qiymətləndirilirdi. Birləşmiş şirkətin bazar dəyərinin isə 140 milyard dollar olacağı bildirilir.

Şirkətlər birləşmə barədə 2014-cü ildə də danışıqlar aparıblar. Lakin prezident Barak Obamanın mobil rabitə bazarının inhisarlaşdırılması səbəbi ilə şirkətlərə sanksiya tətbiq edəcəyi ehtimalı ilə əlaqədar birləşmədən vaz keçiblər.

© lent.az

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256