İKT

“Uber”ə kiberhücumda Rusiya izi
24 NOYABR 2017
257

“Uber”ə kiberhücumda Rusiya izi

2017-11-24 11:07:00

"Uber” xidmətinin minlərlə müştərisi əmindir ki, onların səhifələrini rusiyalı hakerlər sındırıb. Belə ki, onlara Moskva və Sank-Peterburqda bu xidmətdən istifadə etdiklərinə dair hesab fakturaları gəlib, halbuki bu insanlar Rusiyaya səfər etməyib.

Qəzet yazıb ki, 800-dən çox britaniyalı və amerikalı “Twitter”də “Uber”dəki qeydiyyat səhifələrinin oğurlandığını bildirib. Onlar əmindir ki, oğurlanan qeydiyyatları “darknet”də (bir-birinə etimad edən iştirakçılar arasında qurulan özəl şəbəkə) satılıb.   

Xatırladaq ki, hakerlərin “Uber”in 57 milyondan çox istifadəçisinin və sürücüsünün şəxsi məlumatlarını oğurladıqları barədə xəbər yayılıb. Olay 2016-cı ilin oktyabrında baş verib. Dünya üzrə 50 milyondan çox istifadəçinin adları, elektron ünvanları, mobil nömrələri hakerlərin əlinə keçib. Bundan başqa, 7 milyon sürücü, o cümlədən ABŞ-dakı 600 min sürücülük vəsiqəsi barədə məlumatlar da hakerlərin əlindədir.

Bununla yanaşı, “Uber” bəyan edib ki, kredit kartları, səfərlərin marşrutu barədə informasiyaları qorumaq mümkün olub.

© Lent.az

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9967
  • ₽ RUB
    0.0256