İKT

Elektron imzaları yoxlamaq mümkün oldu – YENİLİK
04 NOYABR
381

Elektron imzaları yoxlamaq mümkün oldu – YENİLİK

2016-11-04 16:38:00

Elektron imza ilə imzalanan sənədin nə zaman, kim tərəfindən və hansı sertifikatla imzalandığını müəyyən etmək mümkün olacaq. Rabitə və Yüksək Texnologiyalar Nazirliyinin Məlumat Hesablama Mərkəzindən fins.az-a verilən xəbərə görə,  bunun üçün yeni proqram hazırlanıb. 

“Edoc yoxlayıcı” adlanan proqram ,“.edoc” formatında olan rəqəmsal sənədlərdə imzanın strukturunun yoxlanılması və sənədlərin nüsxəsini əldə etmək  üçün nəzərdə tutulub. 

Qeyd edək ki, Milli Sertifikat Xidmətləri Mərkəzinin e-imza sertifikatı ilə imzalanmış sənədlər “.edoc” formatında olur.

Proqramdan necə istifadə etməli ?

1.  www.e-imza.azvebsəhifəsinə daxil olub menyudan "Edoc Yoxlayıcı bölməsini seçin.

2. "Faylı seçmək" düyməsi ilə yoxlamaq istədiyiniz “.edoc” formatlı sənədi (elektron imza ilə imzalanmış) yükləyin, "Yoxla" düyməsi ilə əməliyyatı davam etdirin. 

Göründüyü kimi, sadəcə, 2 mərhələdə elektron imzalı sənədin strukturunu yoxlamaq mümkündür.

"Edoc yoxlayıcı” təşkilatların işini asanlaşdıracaq

Xidmət üçün hazırlanan proqram təminatı açıq servis şəklində yaradılıb. "E-imza" xidmətlərini daxili sistemlərinə inteqrasiya etmiş və ya etmək istəyən təşkilatlar bu servisi proqram təminatlarına əlavə etməklə “Edoc” sənədlərin düzgünlüyünü birbaşa öz sistemlərində yoxlaya bilərlər. Xüsusən vurğulamaq lazımdı ki, bu proqram təminatı veb texnologiyası əsasında qurulduğu üçün təkcə Windows əməliyyat sistemində deyil, həmçinin, Linux və Mac əməliyyat sistemlərində də bu xidmətdən yararlanmaq mümkündür.

Bu xidmət, həmçinin, "Elektron hökumət" portalına (www.e-gov.az), Rabitə və Yüksək Texnologiyalar Nazirliyinin təqdim etdiyi xidmətlər arasına əlavə olunub. Portal üzərindən xidmətdən istifadə etmək üçün bütün xidmətlərbölməsindən, Rabitə və Yüksək Texnologiyalar Nazirliyinin xidmətləri arasından “Edoc yoxlayıcı” elektron xidmətini seçin. İstifadə qaydaları isə eynilə yuxarıda (www.e-imza) təsvir olunduğu kimidir.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270