İKT

“Samsung” şirkəti “Note” brendindən imtina etmək fikrində deyil
26 OKTYABR
203

“Samsung” şirkəti “Note” brendindən imtina etmək fikrində deyil

2016-10-26 10:55:00

Hazırda qabaqcıl “Note7” fabletləri ilə bağlı mövcud problemə baxmayaraq, “Samsung” şirkəti 2011-ci ildə işə salınmış məşhur istehsal xəttini bağlamaq niyyətində deyil. “Note7” qurğusunda batareyanın alışıb yanması riski səbəbindən yaranmış qalmaqal brendin nüfuzuna ciddi zərər vurub, ancaq Cənubi Koreya şirkəti öz reputasiyasını düzəltməyə çalışır.
“Samsung” şirkəti tərəfindən Cənubi Koreyada geri çağırılmış “Note7” cihazının sahiblərinə təklif edilmiş xidmət partlama təhlükəsi olan “Note7” qurğusunun indi “Galaxy S7”-yə dəyişdirilməsi şərti ilə gələn il “Galaxy S8” və ya “Note8” qurğularına güzəştli təkmilləşdirmə nəzərdə tutur. Bu şərtlərə razılaşan istifadəçilər 2018-ci ildə öz qurğularını təhvil verərək yenisini yarı qiymətinə almaq imkanı əldə edəcəklər.
Belə imkan, hələ ki, yalnız Cənubi Koreyada əlçatandır. Daha sonra başqa bazarlarda da tətbiq edilə bilər. Bu, hər bir ölkədə mövcud olan vəziyyətdən asılı olacaq.
“Samsung” artıq 2016-cı ilin 4-cü rübünə proqnozunu azaldıb. İndi 5.2 trilyon von məbləğində xalis mənfəət gözlənilir. Əvvəl bu göstərici 7.8 trilyon von idi.
Cənubi Koreya şirkəti Koreyada “Note7” qurğusunun başqa “Galaxy” qurğu ilə dəyişdirilməsinə 100 min von (təxminən 88 dollar), ABŞ-da 100 dollar təklif edir.
Cari ilin avqustunda nümayiş etdirilmiş “Galaxy Note7” qurğusu haqda mətbuatda olduqca müsbət fikirlər yazılmışdı. Batareyanın alışıb yanması riski “iPhone 7”-nin əsas rəqibi hesab edilən fabletin uğuruna kölgə saldı. “Samsung” bu vəziyyəti düzəltməyə çalışıb: şirkət artıq satılmış 2.5 milyon qurğunu geri çağıraraq onları yenisi ilə dəyişib. Ancaq məlum olub ki, hətta yeni partiyadan olan modellər də alışıb yanmağa meyillidir.

Mənbə: ICTnews

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275