İKT

Ən güclü smartfonların – REYTİNQİ
04 OKTYABR
629

Ən güclü smartfonların – REYTİNQİ

2016-10-04 16:43:00

“AnTuTu” şirkəti sentyabrda ən güclü smartfonlar reytinqində ilk on pilləni tutan qurğuların yenilənmiş müqayisəli statistikasını təqdim edib. Birinci yeri 172 644 balla “Apple” şirkətinin “iPhone 7 Plus” smartfon modeli tutub. Kiçik model “Apple iPhone 7” 170 124 ballıq nəticəyə nail olub. Belə uğur ilk növbədə “Apple”ın "A10 Fusion” çipi sayəsində mümkün olub.  
Ümumi reytinqin üçüncü pilləsində 160 856 bal toplayan “Le Pro 3” smartfonu ilə "LeEco” şirkəti qərarlaşıb. Siyahıda sonrakı yerləri “Xiaomi” şirkətinin yeni “Mi5S” və “Mi5S Plus” smartfonları tutub. Bu qurğuların hamısı “Snapdragon 821” prosessoru ilə təchiz edilib, lakin “Mi5S Plus” yaxşı nəticəni prosessorun daha yüksək tezliyi sayəsində nümayiş etdirib.
Altıncı pillədə “Qualcomm Snapdragon 820” çipi ilə təchiz edilən "OnePlus 3” smartfonu yer alıb. Maraqlıdır ki, “AnTuTu”nun reytinqində “OnePlus 3” “Vivo X5 Elite” və “Samsung Galaxy Note 7” modellərini geridə qoyub.  
“iOS” əməliyyat sisteminin əvvəlcədən quraşdırılan qurğular reytinqində birinci yerdə 177 266 bala malik “Apple iPad Pro” planşeti qərarlaşıb. Daha yeni “iPhone 7 Plus” və “iPhone 7” müvafiq olaraq ikinci və üçüncü yerlə kifayətlənib.
Sentyabrda “Android” əməliyyat sisteminin idarəetməsi ilə işləyən smartfonlar siyahısında bir parametr istisna olmaqla hər şey dəyişməz qalıb. Reytinqdə “Apple iPhone 7 Plus” və “iPhone 7” modellərinin olmamasına görə birinci yeri “LeEco Le Pro 3” tutub. Siyahını “ZUK Z2 Pro” və “Xiaomi Mi5” smartfonları tamamlayıb.

Mənbə: ICTnews

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7369
  • € EUR
    1.8625
  • ₽ RUB
    0.0272