İKT

Qlobal noutbuk bazarının həcmi 4% azalıb
12 AVQUST
141

Qlobal noutbuk bazarının həcmi 4% azalıb

2016-08-12 11:20:00

“TrendForce” analitikləri qlobal noutbuk bazarında tədarük üzrə üçaylıq artım qeydə alıblar. Noutbuk tədarüklərinin həcmi 8.2% yüksəlib. Beləliklə, cari ilin birinci yarısı üçün istehsalçılar ümumilikdə 74.18 milyon noutbuk buraxıblar ki, bu da 2015-ci il müvafiq dövrü üçün göstəricidən 4% azdır.

Fins.az “ICTnews”a istinadən xəbər verir ki, ilin birinci yarısının nəticəsinə görə “Lenovo” yığcam kompüterlər bazarının lideri olub. Çin şirkəti Şimali və Latın Amerikası, həmçinin Asiya-Sakit okean regionunda göstəricisini yaxşılaşdıraraq 16.15 milyon noutbuk tədarük edib. Mütəxəssislər “Lenovo” şirkətinin bazar payını 21.8% qiymətləndiriblər.

15.8 milyon leptop tədarük etmiş “HP” şirkəti ikinci pilləni tutub. “HP”-nin bazar payı 21.3% təşkil edib. Lakin analitiklər hesab edirlər ki, ABŞ şirkəti ilin ikinci yarısında noutbuk bazarının liderini qabaqlaya bilər.
15.3% bazar payına sahib “Dell” şirkəti üçüncü yerlə kifayətlənib. İlin birinci yarısının nəticəsinə görə şirkət 11%-lik artımı göstərib. Yeni xrombuk modellərinin çıxarılması buna səbəb olub.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275