ƏMLAK

Komitə sədri: Son tikinti layihələri normalara tam uyğundur
03 İYUL
137

Komitə sədri: Son tikinti layihələri normalara tam uyğundur

2019-07-03 11:28:00

Son aylar ərzində Azərbaycanda 212 tikinti layihəsi təsdiq edilib.

Fins.az xəbər verir ki, bu sözləri Dövlət Şəhərsalma və Arxitektura Komitəsinin sədri Samir Nuriyev “Caspian European Club” və “Caspian American Club” çərçivəsində keçirilən biznes-forumda pilot layihələrdə normativ sənədlərlə bağlı tikintilərin dayandırılmasına münasibət bildirərkən deyib. 

Onun sözlərinə görə, mövcud qanunvericilik çərçivəsində tikintiyə icazə icraatı həyata keçirilir:

“Son aylar ərzində 212 tikinti layihəsi təsdiq edilib. Onların böyük hissəsi Bakı şəhəri ərazisinə düşür. 212 layihə ilə təqribən 1 milyon 800 min kvadrat metr tikintinin planlaşdırılması nəzərdə tutulur. Bir milyon kvadrat metrdən çox tikinti isə Bakının payına düşür”.

S.Nuriyev qeyd edib ki, əsas məqsəd şəhərsalma norma və normativlərinə uyğun layihələrin həyata keçirilməsidir:

“Artıq iş adamları tərəfindən son aylarda təqdim edilən layihələr həmin normalara tam uyğundur və layihələr getdikcə həm şəhərsalma, həm də memarlıq baxımından keyfiyyətcə daha da yüksəlir. Bu sahədə artıq pozitiv dinamika mövcuddur. Düşünürəm ki, bu layihələrin sayı artacaq”.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9069
  • ₽ RUB
    0.027