ƏMLAK

Bu ərazidə sürüşmə sahəsi aktivləşdi
05 MART
326

Bu ərazidə sürüşmə sahəsi aktivləşdi

2018-03-05 14:51:00

Abşeron rayonu Nübar qəsəbəsindəki sürüşmə sahəsi aktivləşib. APA-nın xəbərinə görə, sürüşmənin aktivləşməsi nəticəsində yaxınlıqda yerləşən bir neçə yaşayış evinə ziyan dəyib.

Fins.az xəbər verir ki, Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov APA-ya deyib ki, sürüşmənin aktivləşməsinə əraziyə düşən atmosfer yağıntıları və texnogen amillər səbəb olub.

Nübar qəsəbəsində sürüşmə sahəsinin 2017-ci ilin yazında əmələ gəldiyini xatırladan ekspedisiya rəisi qeyd edib ki, ərazidəki yaşayış evləri vulkan məhsullarının üzərində yerləşir: "Sürüşmə sahəsinin yaranmasına yamacın kəsilməsi səbəb olub. Evlər də vulkan məhsullarının üzərindədir. Bizim xəbərdarlığımıza baxmayaraq, orada evlər tikilib. Sürüşmə hazırda aktiv fazadadır".

Qeyd edək ki, Nübar qəsəbəsindəki sürüşmə sahəsi Hökməli palçıq vulkanının yaxınlığında yerləşir.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9424
  • ₽ RUB
    0.0256