ƏMLAK

Maye-qaz doldurma məntəqəsi 33 min manata – HƏRRACA ÇIXARILDI
01 NOYABR
108

Maye-qaz doldurma məntəqəsi 33 min manata – HƏRRACA ÇIXARILDI

2016-11-01 08:42:00

Xəbər verdiyimiz kimi, Əmlak Məsələləri Dövlət Komitəsi noyabrın  15-də növbəti əmlak hərracı keçirəcək. Fins.az xəbər verir ki, həmin gün respublikanın ayrı-ayrı rayonlarında yerləşən 11 kiçik müəssisə və obyekt özəlləşdirilməyə çıxarılacaq. Onların sırasında kafelər, dükan, qeyri-yaşayış sahələri, kiçik sexlər, mağazalar var.  

Hərraca çıxarılan obyektlərdən biri də  Sumqayıt şəhəri, stansiya Sumqayıt, Dəmir yolu Yük həyəti massivindəki 2 saylı maye-qaz doldurma məntəqəsidir. Obyektin ilkin satış qiyməti  yerləşdiyi torpaq sahəsi ilə birgə 33 min manat müəyyən edilib.   Hərracda iştirak etmək istəyən şəxslər onun dəyərinin 10%-i məbləğində beh ödəməlidirlər.

Maye-qaz doldurma məntəqəsinin ümumi torpaq sahəsi 583 kv.metr, faydalı sahəsi isə

78.8 kv.metrdir. 1 mərtəbəli ayrı tikili nin heç bir de bitor borcu yoxdur, cəmi 533 manat kreditor borcu qalıb.

Qeyd edək ki, obyekt hazırdaİstehsal və Xidmət Müəssisələrinin İdarəetmə Mərkəzinin tabeliyindədir.

Hərraclarda iştirak etmək üçün müvafiq hərrac komissiyasına aşağıdakı sənədlər hərracın başlanmasına ən geci 3 bank günü qalanadək təqdim olunmalıdır:

1. Sifarişçinin şəxsiyyətini təsdiq edən sənəd (hüquqi şəxslər üçün: qeydiyyat şəhadətnaməsi, nizamnaməsi və VÖİN).

2. Əmlak Məsələləri Dövlət Komitəsi tərəfindən təsdiq edilmiş formada sifariş.

3. Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd.

Qeyd edək ki, hərraclar respublikanın şəhər və rayonlarında müvafiq yerli hərrac komissiyaları tərəfindən keçiriləcəkdir.

Bakı şəhəri üzrə:
Əmlak Məsələləri Dövlət Komitəsinin İnformasiya Texnologiyaları və Məlumat İdarəetmə Mərkəzində
ünvan:( AZ1029, Bakı şəhəri, Heydər Əliyev prospekti, 139A)

Sumqayıt şəhəri üzrə: 
ünvan: Sumqayıt şəhəri, 18-ci məhəllə, bina 4/12, əlaqə telefonu: (kod 01865) 4-47-97, 5-38-80

Hərracların keçirilməsi haqqında əlavə məlumatları Hərracların Təşkili üzrə Auksion Mərkəzindən və Əmlak Məsələləri Dövlət Komitəsinin Dövlət əmlakının özəlləşdirilməsi və icarəyə verilməsi şöbəsindən almaq olar.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272