ƏMLAK

Özəlləşdirilməsi dayandı
06 SENTYABR
274

Özəlləşdirilməsi dayandı

2016-09-06 09:18:00

Kənd Təsərrüfatı Nazirliyinin tabeliyində olan təsərrüfathesablı Qax Rayon Damazlıq İpəkçilik Stansiyası özəlləşdirilməsi nəzərdə tutulan müəssisələr siyahısından çıxarılıb.

Nazirlər Kabinetinin “Azərbaycan Respublikası Kənd Təsərrüfatı Nazirliyinin tabeliyində olan və fəaliyyəti məqsədəuyğun hesab edilməyən təsərrüfathesablı dövlət müəssisə və təşkilatlarının ləğvi, özəlləşdirilməsi və yenidən təşkili ilə bağlı tədbirlər haqqında” Azərbaycan Respublikası Nazirlər Kabinetinin 2015-ci il 17 aprel tarixli 111 nömrəli qərarında dəyişiklik edilməsi barədə” qərarında əksini tapıb.

Nazirlər Kabinetinin “Azərbaycan Respublikası Kənd Təsərrüfatı Nazirliyinin strukturuna daxil olmayan tabeliyindəki qurumların Siyahısı”nda dəyişiklik edilməsi barədə” qərarına əsasən isə Qax Rayon Damazlıq İpəkçilik Stansiyasının statusu dəyişdirilərək təsərrüfathesablı təşkilat qismində Kənd Təsərrüfatı Nazirliyinin strukturuna daxil olmayan tabeliyindəki qurumların siyahısına daxil edilib.

Qeyd edək ki, “Azərbaycan Respublikası Kənd Təsərrüfatı Nazirliyinin tabeliyində olan və fəaliyyəti məqsədəuyğun hesab edilməyən təsərrüfathesablı dövlət müəssisə və təşkilatlarının ləğvi, özəlləşdirilməsi və yenidən təşkili ilə bağlı tədbirlər haqqında” Nazirlər Kabinetinin 2015-ci il 17 aprel tarixli qərarında Əmlak Məsələləri Dövlət Komitəsinə  Kənd Təsərrüfatı Nazirliyi ilə razılaşdırmaqla, Kənd Təsərrüfatı Nazirliyinin tabeliyində olan 8 təsərrüfathesablı müəssisənin özəlləşdirilməsi ilə bağlı tədbirlər həyata keçirmək tapşırılmışdı. Bura Qax Rayon Damazlıq İpəkçilik Stansiyası ilə bərabər Şəki, Zaqatala, Balakən, Ağdam və Bərdə barama toxumu zavodları, Respublika baytarlıq sanitar dezinfeksiya dəstəsi və  Maşın Meliorasiya Stansiyası daxil idi.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8297
  • ₽ RUB
    0.0270