ƏMLAK

"Sovetski"də satın alınan evlərin sayı - AÇIQLANDI
13 İYUN
536

"Sovetski"də satın alınan evlərin sayı - AÇIQLANDI

2016-06-13 14:31:00

Nazirlər Kabinetinin 11 noyabr 2015-ci il tarixli, 358 saylı qərarına əsasən indiyə qədər Bakı şəhəri, Yasamal rayonunun "Sovetski" kimi tanınan ərazisində 710 yaşayış obyekti dövlət ehtiyacları üçün könüllü razılaşma əsasında vəsait ödənilməklə, sakinlərdən satın alınıb. 

Fins.az APA-ya istinadən bildirir ki, bunu Yasamal rayon İcra Hakimiyyəti başçısının birinci müavini, köçürmə işləri üzrə komissiyanın sədri Səməd İslamov deyib. 
 
S. İslamov dövlət ehtiyacları üçün yaşayış obyektlərinin satın alınması istiqamətində işlərin davam etdiyini söyləyib. O qeyd edib ki, indiyə qədər "Sovetski"dən cəmi 3425 yaşayış obyekti satın alınıb. Başqa sözlə, 2715 yaşayış obyekti könüllü alqı-satqı yolu ilə, 710 yaşayış obyekti isə dövlət ehtiyacları üçün könüllü razılaşma əsasında vəsait ödənilməklə, sakinlərdən satın alınıb. 
 
Qeyd edək ki, Nazirlər Kabinetinin 11 noyabr 2015-ci il tarixli 358 saylı qərarına əsasən Bakı şəhərinin Yasamal rayonu ərazisində ("Sovetski" məhəlləsi) Nəriman Nərimanov prospekti ilə Abdulla Şaiq, Lev Tolstoy, Əlibəy Hüseynzadə küçələri və Azərbaycan prospekti ilə Abdulla Şaiq, Çingiz Mustafayev və Süleyman Rəhimov küçələri arasındakı ərazidə 730, Nabat Aşurbəyova, Mirzə Fətəli Axundov, Çingiz Mustafayev və Bəşir Səfəroğlu küçələri arasındakı ərazidə 175 ədəd, Cəfər Cabbarlı küçəsi ilə Balababa Məcidov küçəsinin kəsişməsindən Nəriman Nərimanov prospektinə qədər olan ərazidə 70 ədəd və Balababa Məcidov küçəsi ilə Nabat Aşurbəyova küçəsinin kəsişməsindən Süleyman Rəhimov küçəsinə qədər olan ərazidə 118 ədəd, ümumilikdə sayı 1093 olmaqla vətəndaşlara məxsus yaşayış və qeyri-yaşayış obyektlərini Bakı şəhərinin Baş Planına uyğun olaraq, dövlət əhəmiyyətli yolların və digər kommunikasiya xətlərinin çəkilməsi məqsədilə dövlət ehtiyacları üçün alan orqan kimi Bakı Şəhər Yasamal Rayon İcra Hakimiyyəti müəyyən edilib.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7430
  • € EUR
    1.8487
  • ₽ RUB
    0.0275