DÜNYA

Azərbaycanın 100 mln manatdan çox əməliyyat gəlirləri olan bankları
06 AVQUST
91

Azərbaycanın 100 mln manatdan çox əməliyyat gəlirləri olan bankları

2019-08-06 09:36:00

Azərbaycanda fəaliyyət göstərən 30 bankdan 3-nün bu ilin yanvar-iyun aylarındakı əməliyyat gəlirləri 100 milyon manatdan çoxdur.

Bunlar "Azərbaycan Beynəlxalq Bankı" (284,503 milyon manat), "Kapital Bank" (266,062 milyon manat) və "PAŞA Bank"dır (121,605 milyon manat). Qalan 27 bankdan 4-də əməliyyat gəlirləri 50-100 milyon manat arasında, 16 bankdan 10-50 milyon manat arasında, 7 bankda isə 10 milyon manatdan azdır.

Azərbaycanda fəaliyyət göstərən 30 bankdan 7-nin bu ilin yanvar-iyun aylarındakı əməliyyat gəlirləri ötən ilin eyni dövrünə nisbətən az olub.

Bunlar "Bank Avrasiya", "Nikoyl Bank", "Yapı Kredi Bank Azərbaycan", "AGBank", "Atabank", "AFB Bank" və Pakistan Milli Bankının Bakı filialındadır. Ən az azalma "Bank Avrasiya"da (2,3%), ən çox azalma isə Pakistan bankında (57,3%) qeydə alınıb.

1 bankın - "Bank VTB Azərbaycan"ın bu ilin I yarısında əməliyyat gəlirləri olsa da, ötən ilin eyni dövründə əməliyyat zərəri ilə üzləşib, odur ki, bu maliyyə qurumunun əməliyyat gəlirlərinin dinamikasını hesablamaq mümkün olmayıb.Qalan 22 bankın isə əməliyyat gəlirləri illik müqayisədə artıb. Ən yüksək dinamika "Bank Respublika"da (2 dəfə), ən aşağı dinamika isə "Günay Bank"da (3,2%) qeydə alınıb. 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.8876
  • ₽ RUB
    0.0257