DÜNYA

Hökumət ölkənin yeni adı ilə bağlı qanun layihəsini təsdiqləyib
20 İYUN
197

Hökumət ölkənin yeni adı ilə bağlı qanun layihəsini təsdiqləyib

2018-06-20 09:50:00

Makedoniya hökuməti ölkənin Şimali Makedoniya Respublikası adlanacağı barədə Yunanıstanla imzalanmış razılaşma ilə bağlı qanun layihəsini təsdiqləyib.

Fins.az-ın məlumatına görə, bundan sonra layihə ratifikasiya üçün parlamentə təqdim olunacaq.

Saziş hər iki ölkənin daxili prosedurlarla sənədi təsdiq etməsindən sonra qüvvəyə minəcək.

Yeni qərar ölkədə etirazlarla qarşılanıb.

Qeyd edək ki, dünən Yunanıstan və Makedoniya xarici işlər nazirləri Nikos Kotzias və Nikola Dimitrov keçmiş Yuqoslav respublikasının Şimali Makedoniya Respublikası adlanacağı barədə razılaşma imzalayıblar.

Yunanıstan və Makedoniya arasında adla bağlı mübahisə 25 ildən artıqdır ki davam edir və bu ziddiyət Makedoniyanın NATO və Avropa İttifaqına üzvlüyünə mane olur. Afina qonşu respublikanın adını Yunanıstanın Makedoniya vilayəti ilə qarışdırmamaq üçün dəyişdirməyi tələb edir.

Eləcə də bax: Türkiyədə üçüncü nüvə elektrik stansiyası tikiləcək

© Trend

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9335
  • ₽ RUB
    0.0255